Дигитализацијата на телевизиите во нова фаза, министерот бара помала претплата
Објавено во: Економија 11 Мај, 2013 20:55
Годишниот надомест за дигитализација на телевизиите од страна на операторот ONE да биде намален за 36%. Ова го побара денеска министерот за информатичко општество Иво Ивановски со цел да им се помогне на телевизиите во прифаќањето на дигитализацијата.
Оттука, годишната претплата на националните телевизии со намалувањето од 36 отсто, посочи Ивановски, би изнесувало 100 илјади наместо 150 илјади, а за регионалните телевизии 13056, наместо повеќе од 20 илјади евра. Министерот соопшти и дека ова барање веќе го испратил до ONE, но операторот, изјави Ивановски, се согласил само на намалување за 10 отсто.
Покрај ова, од министерството најавија и дека ќе достават измени на Законот за радиодифузна дејност, со којшто се предвидува пет регионални телевизии да зрачат до Градот Скопје и скопските општини односно поделба на зоната Д1. Станува збор за две телевизии од Кавадарци (КТВ и Тиквешија), две од Велес (Здравкин и Канал 21) и една од Свети Николе (ТВ Свет). Ивановски потенцираше дека со ова телевизиите ќе заштедат многу средства и ќе се исполни нивното барање да не го покриваат градот Скопје и скопските општини со што би се создала нелојална конкуренција. Националните телевизии и досега разговараа за условите при склучување на договорот за годишнатата претплата за дигитализација. Операторот ОНЕ треба да почне да ги пренесува од први јуни и е единствениот оператор кој пројави интерес за оваа област и го доби тендерот за дигитализацијата.„Ние со тоа не сме задоволни и денеска предлагаме и порачуваме до ONE операторот да ја разгледаат можноста и да ги намалат цените со следниве параметри: за националните телевизии 100 илјади евра годишен надомест што значи попуст од 36 проценти, а за регионалните телевизии тоа да изнесува 13.056 евра годишен надомест. Тоа се исто така 36 проценти намалување“, изјави министерот Ивановски.
Можеби ќе ве интересира
Запленетите акции на Сашо Мијалков во Алта банка ставени на продажба
ЕВЕ КОИ ЛИЦА ЌЕ БИДАТ ДЕЛ ОД УО НА ЦЕНТРАЛНА КООПЕРАТИВНА БАНКА - добиена е согласност од Народна банка
Крај на една ера: Легендарниот дизајнерски шеф на Mercedes-Benz ја напушта компанијата
ОД ДЕНЕС НОВИ ЦЕНИ НА ГОРИВАТА: РКЕ вчера ги соопшти деталите
Словенија ќе го зголеми минималецот - колку ќе изнесува?
Хрватска ги заострува условите за вработување странци
Култура со голем потенцијал - заработката е до 20.000 евра по хектар
