Димитриевски: Доколку од другата страна имате ставови со негација, тогаш всушност вие не преговарате
Објавено во: Македонија 22 Јануари, 2022
Доколку од другата страна имате застапување на ставови со негација, тогаш всушност вие не преговарате, ви се наметнуваат ставови, изјави кумановскиот градоначалник Максим Димитриевски, во гостувањето во емисијата „Трилинг“ на телевизија 24 за односите меѓу Македонија и Бугарија.
Вели дека решение може да се најде преку дијалог, но бугарската страна мора да прифати дека Македонците се реалност.
„Ние не можеме да бидеме ништо друго освен Македонци, дека нашите предци баби и дедовци биле Македонци, а такви ќе бидат и нашите идни поколенија внуци. Македонскиот јазик е реалност, а по однос на македонското малцинство во Бугарија нека се произнесат граѓаните на Република Бугарија каде се, кои се, какви се всушност“, рече Димитриевски.
Бугарскиот премиер Кирил Петков на 18 јануари ја посети Македонија, и таа посета уште се коментира и во двете земји.