Димитров до граѓаните: Aко утре тргнете некаде, не се знае дали ќе може да се вратите
Објавено во: Македонија, Корона Вирус 16 Март, 2020 21:35
Ситуацијата се менува од час во час, ако утре тргнете некаде, не се знае дали ќе може да се вратите, изјави вечерва министерот за надворешни работи Никола Димитров на заедничката прес-конференција со министерот за здравство, Венко Филипче за коронавирусот.
„Невообичаено е еден министер за надворешни работи да апелира да не се патува, но такви се состојбите. Мораме за ова да апелираме. Денеска на унгарско-српската граница околу 200 македонски граѓани беа заглавени и по комуникацијата со Романија и Бугарија, очекуваме утре наутро тие да се појават на македонскиот граничен премин Деве Баир“, вели тој.
Тој рече дека сега ситуацијата е непредвидлива.
„Државите затвораат граници, аеродроми, авиокомпаниите откажуваат летови. Македонските државјани што имаат регулиран престој во други држави да не се упатуваат кон татковината. Има најава дека и ЕУ ќе ги затвори границите за сите несуштински патувања. Граничниот режим на другите држави не зависи од нас“, рече Димитров.
Тој апелираше дека сега е време да се седи дома.
Вечерва Филипче соопшти дека има уште 5 заразени со коронавирус, а утре треба да се потврдат уште два случаи на луѓе кои се тестирани и се позитивни.
Можеби ќе ве интересира
„САМО 30 ОТСТО ПАРИЧНА КАЗНА ЗА СУДИЈАТА ПАЈАЗИТИ“: Мојсоска жустро по одлуката на Судскиот совет - 'иако утврди дека го овозможил бегството на Рамадани'
ПРИЈАТНИ ПРОЛЕТНИ ТЕМПЕРАТУРИ, НО И МОЖНОСТИ ЗА ДОЖД - еве какво време најавуваат синоптичарите за оваа скратена работна недела
ЈАКИМОСКИ СО НОВИ МЕРКИ ЌЕ ГИ „ЗАУЗДУВА“ ИНВЕСТИТОРИТЕ ВО КАРПОШ: Еве што ќе преземе
КУЌЕН ПРИТВОР, ПРИТВОР, МЕРКИ ЗА ПРЕТПАЗЛИВОСТ: Судот во Кочани добил барања за 18 лица
КАКВО ВРЕМЕ НЕ ОЧЕКУВА ЗА ВЕЛИГДЕН? Еве што вели Попоски
ПОЧИНА И ЈАГУАРОТ ИНЕС: Скопската зоолошка градина на Фејсбук ја објави тажната вест
СДСМ: Повторно нема истрага против никој од МВР одговорен таа ноќ
КУЧИ СЕ ВРАЌА ДОМА, А ТОШКОВСКИ ГО ОЧЕКУВА: „Со првиот лет ќе бидам во Скопје“, рече Кучи
„ЛУЃЕТО ВО ГЕРМАНИЈА РАБОТЕА, ТУКА ЗЕМАА ПЛАТА“: Уставната судијка Павловска Данева за балансерот и неговото укинување
