ДИМИТРОВ ЗА КАТИМЕРИНИ: Можеме премногу да загубиме, а премалку да добиеме ако тргнеме по деструктивниот пат
Објавено во: Македонија 28 Мај, 2024
Екс министерот за надворешни работи и еден од потписниците на Договорот од Преспа со Грција од 2018 година, Никола Димитров, е внимателен оптимист дека Договорот од Преспа ќе ја преживее неодамнешната промена на политичката гарнитура.
„Искрено, можеме премногу да загубиме, а премалку да добиеме ако тргнеме по деструктивниот пат“, изјави Димитров во интервју за грчкиот весник Катимерини.
Тој има забелешки во спроведувањето на Преспанскиот договор од двете страни.
Според него, добрата вест е што и ВМРО-ДПМНЕ и Нова демократија немаат апетит да го рушат мостот што толку макотрпно е изграден.