28 Јануари, 2023
0.0290

ДО ЕДНА ГОДИНА ЗАТВОР ЗА ВОНБРАЧЕН СЕКС: Индонезија донесе ваков закон, важи и за странците

Објавено во: Свет 06 Декември, 2022

Добивај вести на Viber

Индонезискиот парламент усвои кривичен законик кој забранува сексуални односи надвор од бракот и предвидува затворска казна до една година. Законот е дел од законските измени за кои критичарите велат дека ги поткопуваат граѓанските слободи во третата по големина демократија во светот, пренесува Ројтерс.

Новите одредби, кои ќе важат за Индонезијците, но и за странците, исто така им забрануваат на паровите да живеат заедно пред брак.

Законот е донесен со поддршка на сите политички партии и покрај предупредувањата од бизнис групите дека може да ги исплаши туристите и да им наштети на инвестициите.

Сепак, законот нема да стапи на сила три години за да се овозможи изработка на прописи.

Во моментов, Индонезија забранува прељуба, но не и предбрачен секс.

Кодексот вклучува забрани за црна магија, навреда на претседателот или државните институции, ширење ставови против државната идеологија и организирање протести без најава.

Критичарите велат дека новите закони би можеле да се користат за контрола на моралот во најголемата нација во светот со мнозинско муслиманско население, која бележи пораст на верскиот конзерватизам во последниве години, наведува Ројтерс.

Маулана Јусран, заменик-шеф на одборот за туристичка индустрија на Индонезија, рече дека новиот закон е „целосно контрапродуктивен“ во време кога економијата и туризмот почнаа да се опоравуваат од пандемијата.

- Хотелите или какви било сместувачки капацитети се како втор дом за туристите. Со ратификацијата на овој кривичен законик, хотелите сега се проблематични места - рече Јусран.

Пратениците го поздравија усвојувањето, додека противниците посочија на одредбите за кои велат дека се социјално регресивни, ја ограничуваат слободата на говорот и ќе претставуваат „огромно назадување“ во демократските слободи од падот на авторитарниот лидер Сухарто во 1998 година. Ревидирањето на кривичниот законик се разгледува од 1945 година, кога Индонезија прогласи независност од Холандија.

ФОТО: EPA-EFE/MAST IRHAM

Можеби ќе ве интересира

Италијанскиот министер за одбрана: Ако руските тенкови влезат во Киев, ќе започне Трета светска војна

Италијанскиот министер за одбрана: Ако руските тенкови влезат во Киев, ќе започне Трета светска војна

Русија: 14 починати во болница во ракетен напад на украинската армија со ХИМАРС

Русија: 14 починати во болница во ракетен напад на украинската армија со ХИМАРС

Поранешен генерал на НАТО стана претседател на Чешка

Поранешен генерал на НАТО стана претседател на Чешка

САД ја прогласи „Вагнер“ за транснационална терористичка организација

САД ја прогласи „Вагнер“ за транснационална терористичка организација

Зошто Франција не испраќа тенкови за Украина?

Зошто Франција не испраќа тенкови за Украина?

Бразил не сака да отстапи муниција за тенковите што Германија и ги испраќа на Украина

Бразил не сака да отстапи муниција за тенковите што Германија и ги испраќа на Украина

ТЕРОРИСТИЧКИ НАПАД ВО СИНАГОГА: Во Ерусалим загинаа осум луѓе

ТЕРОРИСТИЧКИ НАПАД ВО СИНАГОГА: Во Ерусалим загинаа осум луѓе

Орбан го брани Путин: Не сака ЕУ да воведе санкции за Русија

Орбан го брани Путин: Не сака ЕУ да воведе санкции за Русија

Човек одлежал над 20 години во затвор иако бил невин

Човек одлежал над 20 години во затвор иако бил невин