ДОБРА ВЕСТ: Драматично поевтинување на горивата!

Добивај вести на Viber

Нова корекцеја во цените на горивата и тоа во полза на џебот на граѓаните. Од ноќеска на полноќ граѓаните ќе можат да точат горива поевтини за дури 4,5 денари во однос на претходната цена. Како што соопшти Регулаторната комисија за енергетика цената на горивата е коригирана и истата е намалена во просек за 7,57 отсто. Со новото поевтинување малопродажните цени на „еуросупер“ БС-95 и на „еуросупер“ БС-98 се намалуваат за 4,50 денари за литар во однос на цените утврдени пред две недели. „Еуросупер“ од 95 октани во малопродажба ќе се точи по цена од 65,50 денари за литар, а „еуросупер“ од 98 октани за 67 денари. „Еуродизелот“ ќе се продава по цена од 56 денари за литар. Екстра лесното масло за домаќинство (ЕЛ-1) од полноќ ќе чини 44,50 денари за литар. Малопродажната цена на мазутот М-1 НС се намалува за 3,354 ден/кг, и ќе изнесува 27,512 денари за килогарам. Од регулаторна велат дека причина за ваквото драстично намалување е движењето на цената на суровата нафта во период од две недели и курсот на денерот во однос на доларот. „Просечната цена на сурова нафта на светскиот пазар во изминатиот 14-то дневен период изнесуваше 66,903 долари за барел и е за 12,52 отсто пониска од просечната цена на сурова нафта (76,474 долари за барел) по која беа формирани тековните цени на нафтените деривати“, соопшти Регулаторната комисија за енергетика.