ДОЛГОТ Е ПРЕГОЛЕМ: моден синџир затвора продавници низ повеќе балкански земји
Објавено во: Економија 27 Октомври, 2024
Продавниците на модниот синџир Модијана во Словенија, Хрватска и Србија се привремено затворени од пред два дена.
Синџирот ги информираше клиентите во Словенија преку социјалните мрежи дека затвора девет продавници во центрите Меркатор во Камник, Домжале, Кршко, Требње, Словенска Бистрица, Птуј, Словенске Коњице, Рогашка Слатина и Марибор. Останатите 13 продавници низ Словенија остануваат отворени, пренесуваат медиумите од соседството.
Во Хрватска, ланецот најави затворање на 16 продавници до понатамошно известување, и тоа во градовите Чаковец, Карловац, Метковиќ, Осиек, Пула, Риека, Самобор, Салона Мол, Задар, Загреб, Жупа Дубровачка, Вараждин и Ѓаково. Остануваат отворени само три продавници – Велика Горица, Врбани (Поинт Центар Загреб) и Аутлет Ли Купер Икеа, се наведува во соопштението.
Со оглед на тоа што сопственикот на Модијана, Монтекристо СЛ, од 2016 година, долго време не плаќа кирија и канцелариски трошоци на Меркатор, раководството на Меркатор одлучи да ги раскине договорите за закуп и да ги затвори продавниците.
Од Меркатор, кој е во сопственост на хрватската групација Фортенова, велат дека биле принудени на ваква одлука бидејќи долгот за затворени филијали на ниво на Фортенова надминал 3,5 милиони евра. Договорот за изнајмување истече на 3 октомври годинава, а поради непочитување на договорните обврски Меркатор се откажа од договорот.
Седум подружници на Модијана се регистрирани во Босна и Херцеговина, а нивен сопственик преку компанијата Модијана е Пословни систем Меркатор.
Фото: Принтскрин/Твитер