28 Март, 2024
0.0271

Доволни ли се 8,5 милиони евра приходи да го „заситат“ Жито Лукс?

Објавено во: Економија 31 Август, 2017

Добивај вести на Viber

Жито Лукс напредува со позитивните квартали заклучно со 30 јуни 2017, но тој раст не е со исто темпо како и во првото тромесечје од годинава бидејќи добивката е нешто помала гледано за вторите три месеци. Неоданочената вкупна добивка Жито Лукс за првото полугодие од 2017 достигна 72 илјади евра. Во вториот квартал од 2017 Жито Лукс остварил поголеми приходи во однос на првиот квартал или за околу 200 илјади евра повеќе.

Сепак, ако се гледа квартално, вторите три месеци носат помала добивка за Жито Лукс која само во првиот квартал од годинава изнесуваше околу 50 илјади евра што е двојно повеќе од вторите три месеци.

Продажбата на Жито Лукс му донесе вкупно 8,5 милиони евра приходи во првото полугодие од 2017 со мал раст како на домашниот пазар, така и на странскиот пазар.

Најголемиот бренд за бели пецива на македонскиот пазар во првите шест месеци од 2017 потрошил вкупно 4,4 милиони евра за суровини и други материјали, како и 1,3 милиони евра за своите вработени што е за околу 5% повеќе во однос на истиот период лани.

Жито Лукс има 12,3 милиони евра тековни обврски за шест месеци од 2017 година од кои 85% се кон добавувачите. Жито Лукс за првите шест месеци од годинава има и 2,9 милиони евра побарувања од купувачите. Вложувањата во хартии од вредност се три пати поголеми и изнесуваат над 30 илјади евра. 

Во овој период главен новитет на Жито Лукс се ѓевреците па ефектите од нивното воведување за почеток се позитивни иако за оваа понуда клучен ќе биде следниот квартал кога ќе се знае дали ќе останат дел од постојаната понуда во маркетите и продавниците.

Жито Лукс минатата година ја заврши со загуба која треба да ја покрие со добивката од оваа година, но престојат уште два квартала од кои најпрво треба да се согледаат резултатите, но со оглед на досегашната мала добивка и малиот тренд на раст на приходите преотптимистично е да се очекува исплата на дивиденди.

Х.С.

Можеби ќе ве интересира

МАКЕДОНСКИТЕ ЧОКОЛАДИ САМО МАЛКУ ПОВКУСНИ ЗА СТРАНЦИТЕ - како „Европа“ профитираше со 600 илјади евра и дали е тоа добар резултат

МАКЕДОНСКИТЕ ЧОКОЛАДИ САМО МАЛКУ ПОВКУСНИ ЗА СТРАНЦИТЕ - како „Европа“ профитираше со 600 илјади евра и дали е тоа добар резултат

ЦЕНТРАЛНОЕВРОПСКИ ДОГОВОР ЗА СЛОБОДНА ТРГОВИЈА - ДОПОЛНИТЕЛЕН ПРОТОКОЛ 6 - еве кои се предностите

ЦЕНТРАЛНОЕВРОПСКИ ДОГОВОР ЗА СЛОБОДНА ТРГОВИЈА - ДОПОЛНИТЕЛЕН ПРОТОКОЛ 6 - еве кои се предностите

Просечна плата во АЕК надминува 1.000 евра

Просечна плата во АЕК надминува 1.000 евра

Новите газди го вратија стариот сјај! Како „Скопски пазар“ ќе направи над 10 милиони евра приходи?

Новите газди го вратија стариот сјај! Како „Скопски пазар“ ќе направи над 10 милиони евра приходи?

НИНГБО – СТОТИЦИ ИЛЈАДИ КОНТЕЈНЕРИ, СТОТЦИ ИЛЈАДИ ТОНИ СТОКА: Оттука па низ целиот свет, вака се поврзува Кина

НИНГБО – СТОТИЦИ ИЛЈАДИ КОНТЕЈНЕРИ, СТОТЦИ ИЛЈАДИ ТОНИ СТОКА: Оттука па низ целиот свет, вака се поврзува Кина

КАКАОТО СЕ ПРЕТВОРИ ВО НАЈСЈАЈНА ЅВЕЗДА НА ПАЗАРОТ - на берзите се плаќа речиси по 10.000 долари за тон

КАКАОТО СЕ ПРЕТВОРИ ВО НАЈСЈАЈНА ЅВЕЗДА НА ПАЗАРОТ - на берзите се плаќа речиси по 10.000 долари за тон

ВОЛВО СТАВА КРАЈ НА ЕДНА ДОЛГА ИСТОРИЈА - им кажаа збогум на „дизелашите“

ВОЛВО СТАВА КРАЈ НА ЕДНА ДОЛГА ИСТОРИЈА - им кажаа збогум на „дизелашите“

САНКЦИОНИРАН Е ВО УКРАИНА: Руски милијардер го купи „Звечево“

САНКЦИОНИРАН Е ВО УКРАИНА: Руски милијардер го купи „Звечево“

ГЕРМАНИЈА: Koлкав економски раст очекува годинава?

ГЕРМАНИЈА: Koлкав економски раст очекува годинава?