10 Декември, 2018
0.3054
    ALK 8149.06    0.8%     GRNT 810.87    1.36%     KMB 4932.79    2.35%     MPT 46443.88    0.75%     MTUR 4850    -0.58%     MZPU 607    0%     OHB 6545.4    1.52%     PTRS 3075    0%     RMDEN16 97    1.04%     RMDEN17 96.5    0%     RZLV 68    0%     SBT 1802    -7.59%     STB 1278.3    1.18%     STIL 121    0.83%     TEL 295    0%     TNB 13999.97    0%     TTK 1233    -0.91%

Драги Манев: Почнав со органско производство, и не мислам по никоја цена да се откажам

Објавено во: Агробизнис 26 Септември, 2018

57 годишниот Драги Манев од селото Паликура скоро четири децении се занимава со земјоделство, а веќе пет години е сертифициран органски производител, на што претходела една до две години пробна работа.

Произведува органски праски, модар патлиџан, индустриски домат и пиперка ајварка. Вложил доста средства за оваа работа. Вели дека 1500 евра потрошил само за набавка на семиња од Швајцарија, плус систем капка по капка за наводнување, и ред други трошоци, но сепак работата го исполнува. Работи со своето семејство, има површина од 2.5 хектари со органско производство, и обезбедил пласман за српскиот пазар.

„Јас од оваа работа не мислам да се откажам. Ова го прифаќа Европа, во Данска многу е барано, и зошто ние да се враќаме назад? Добро би било и другите земјоделци ова да го прифатат, но тешко оди. За овие седум години не убедив ниту еден да почне да се занимава со истото или барем да ме ислуша. Добро би било кога овие производи би оделе за странски пазар, но и домашниот да ги прифати. Една тура веќе имам пратено надвор, а сега се подготвувам за втора“ - вели Манев.

Од оние производи кои тој ги произведува органски, вели дека најбарана е ајварката, а најтешко да се произведе органски е морковот.

„Морковот органски се бара, но јас немам произведено, затоа што е тешко да се произведе, тој е многу нежен, и од плевел тешко се чисти“- рече Манев.

Сепак, додава дека земјоделската работа е доста тешка и бара многу труд.

Побарувачката за органски производи на светско ниво се зголемува со многу брзо темпо. Во 2015 година достигна 90 милијарди долари за разлика од 1999 година кога беше 15 милијарди. Најголеми потрошувачи се Швајцарија, Германија, Велика Британија, Луксембург и Данска.  Побарувачката е голема и во САД и Канада.

Сања Атанасовска

Можеби ќе ве интересира

МЗШВ: Промена во цената има само на еден тип на леб, ќе се интервенира доколку дојде до пораст на цените и на останатите типови леб

МЗШВ: Промена во цената има само на еден тип на леб, ќе се интервенира доколку дојде до пораст на цените и на останатите типови леб

Владата се уште ја тестира „зелената“ нафта

Владата се уште ја тестира „зелената“ нафта

ФАО ја зголемува поддршката за македонското земјоделство, преку четири нови регионални проекти во вредност од 1,5 милиони долари

ФАО ја зголемува поддршката за македонското земјоделство, преку четири нови регионални проекти во вредност од 1,5 милиони долари