Дваесет години го чувал синот во кафез
Објавено во: Свет 09 Април, 2018
73 годишен Јапонец е уапсен под сомнение дека го чувал својот син во дрвен кафез повеќе од 20 години.
Јошитане Јамасаки изјавил дека неговиот 42-годишен син го чувал во кафез, бидејќи честопати бил насилен поради ментални проблеми. Кафезот висок еден, а широк околу два метри, се наоѓал во колиба веднаш до куќата на Јамасаки во градот Санда.
Локалните власти соопштија дека неговиот син, поради долгиот престој во кафезот, има искривен грб и дека е преземен од социјалните служби.
Дека 42-годишниот човек е чуван во кафез се дознало кога градски претставник ја посетил куќата на Јамасаки, а истрагата покажала дека неговиот син првпат е затворен кога имал 16 години. Јамасаки признал сè и објаснил дека неговиот син секојдневно добивал храна и му дозволувал да се бања.