Добивај вести на Viber
Двајца грчки метрополити се осомничени за поседување голем број банкарски сметки, поради што нивниот имот се најде на проверка пред службата за борба против финансискиот криминал СДОЕ, јавија грчките медиуми.
Истрагата утврдила дека двајцата црковни службеници од областа Атика имаат сметки со над пет милиони евра, а едниот од нив платил казна во износ од еден милион евра поради неможноста да го докаже потеклото на три милиони евра, кои ги држи во банка.
Весникот додава дека обвинетите служеле во богати митрополии со голема недвижна сопственост во целата земја, а поседуваат и акции. Сепак се претпоставува дека зад црковните службеници се кријат други повисоки функционери.