Една држава и полуостров ќе бидат разделени со oграда
Објавено во: Свет 30 Септември, 2017
Како што пишуваат руските медиуми, Русија планира да подигне ограда помеѓу еден полуостров и една држава.
Станува збор за Крим и Украина.
Пограничната управа на Федералната служба за безбедност на Русија за Крим соопшти дека на границата меѓу Крим и Украина ќе подигне ограда долга 50 километри. Оградата ќе биде подигната во интерес на безбедноста на Крим, кој Русија го анектираше во 2014 година.
Оградата ќе биде висока 2,4 метри, а изградбата ќе чини над три милиони евра. Пред и зад оградата, ќе бидат поставени инженерски препреки, а работата, како што е најавено, ќе биде завршена до 20-ти декември.
Пропишано е контрукцијата на оградата да биде отпорна на сложени климатски услови, вклучително и на влажност на воздухот до 98% и температура до плус 65 степени.
За тоа кому Крим му припаѓа имаше затегнување на односите меѓу Русија и Украина.