Две мали деца пронајдени „заробени“ во автомобил во Скопје
Објавено во: Македонија 29 Август, 2019
Две мали деца - брат на 7 и сестра на 4 години биле оставени заклучени до доцните вечерни часови во автомобил во скопската населба Аеродром, по што полицијата морала да интервенира за да ги извлече. Засега не е познато кој ги оставил децата во автомобилот и дали се работи за несовесни родители. Не е познато ниту во чива сопственост е автомобилот марка „алфа ромео“.
Граѓаните ја забележале ситуацијата на булеварот Видо Смилевски - Бато и пријавиле во полиција, која ги скршила прозорците половина час по полноќ и ги пренела децата во Клчиничкиот центар „Мајка Тереза“.
Од МВР го потврдија случајот и најавија официјални детали во текот на денот..