Две милијарди долари за развој на чистата енергија во САД
Објавено во: Свет 16 Март, 2013
Објавувајќи ги плановите за инвестиции од две милијарди долари следната деценија, како дел од новата истражувачка програма, претседателот на САД, Барак Обама дава поддршка за истражувањата во областа на чистата енергија, пренесоа агенциите.
Во изјавата пред владината Национална лабораторија Аргон, во Чикаго, Обама го пофали заживувањето на американската автомобилска индустрија, за која рече дека произведува едни од највисоко технолошките, економични и убави автомобили во светот.„Во време кога секој месец го менувате својот смартфон затоа што на пазарот постојано се појавува нешто ново, претставете си што би значело Кина, Германија и Јапонија да продолжат да ги развиваат своите главни научни истражувања, а ние да седиме и ништо да не правиме, рече Обама.
Тој најави дека инвестициите во истражувањата во областа на чистата енергија ќе се вратат преку новите индустрии и новите работни места.