Еден човек загина, а двајца патници се повредени на патот Дебар – Маврови Анови
Објавено во: Македонија 28 Август, 2019
Во судир на автомобил и камион на регионалниот пат Дебар – Маврови Анови загина еден човек, а две лица се повредени и пренесени во гостиварската болница.
Лицето загинало од повредите задобиени во сообраќајна несреќа на регионалниот пат Дебар – Маврови Анови во близина на Скудрински мост. Сообраќајот беше во прекин во двата правци од 17 часот, а од 18 часот сообраќајот на патниот правец Скудрински Мост-Дебар се одвива по една лента наизменично, информираат од АМСМ.
Според првичните информации на СВР Тетово, во сообраќајната несреќа која се случила попладнево учествувале товарно возило со приколка со дебарски ознаки и автомобил „хјундаи“ со скопски регистерски ознаки.
Јавен обвинител и увидната екипка на СВР Тетово ќе извршат увид на местото на несреќата.