ЕДЕН ВИД ПИВО БИ МОЖЕЛ ДА БИДЕ ОПАСЕН ЗА ЗДРАВЈЕТО - подложен е на развој на опасни бактерии?

Добивај вести на Viber

Редовното пиење премногу алкохол може да го зголеми ризикот од болести, вклучувајќи срцеви заболувања, заболувања на црниот дроб и рак.

Крафт пивото со нула отсто алкохол може да стане почва за бактерии како Eшерихија коли и салмонела, открија американските истражувачи. Тоа значи дека можеби е подобро да се придржувате кон обичното пиво, и да го консумирате умерено, предложија тие.

Студијата покажа дека пиењето безалкохолно пиво може да ве изложи на ризик да добиете лоши бактерии, пренесува City Magazine.

„Традиционалното пиво генерално се смета за безбедно од патогени преку храната поради неколку бариери, вклучувајќи: концентрација на алкохол, горчливи киселини од хмељ, ниска pH вредност, високи количини на растворен јаглерод диоксид и ниски нивоа на кислород“, рече д-р. Ен Чарлс Вегдал од Универзитетот Корнел.

„Кога една или повеќе од овие бариери се отсутни или на недоволно ниво, пивото може да стане подложно на преживување и раст на патогенот“, додаде таа.

Популарноста на пивата без алкохол или пивата со ниска содржина на алкохол расте, а продажбата скокна за 23 проценти во текот на изминатата година во споредба со претходните 12 месеци. Овие пијалоци често се сметаат за поздрава алтернатива, бидејќи истражувањата покажуваат дека тие ја намалуваат штетата што пиењето му ја нанесува на телото.

Пијте алкохолно пиво во умерени количини!

Редовното пиење премногу алкохол може да го зголеми ризикот од болести, вклучувајќи срцеви заболувања, заболувања на црниот дроб и рак. Но, експертите препорачуваат умерени количини.

Најновата студија, објавена во Журналот за заштита на храната, ја разгледа потенцијалната опасност што безалкохолните пива можат да ја претставуваат кога станува збор за засолниште на бактерии. Истражувачите ставаат мали количини од пет видови бактерии, вклучувајќи Еширихија коли и салмонела во безалкохолни и нискоалкохолни пива.

Пивата потоа биле ставени во складирање на 4°C и 14°C за 63 дена за да се види дали бактериите ќе преживеат. Откриле дека се развиле во пиво без алкохол на двете температури.

Пивото со низок процент на алкохол од 3,2 отсто, кое се чувало на 4°C, не содржи бактерии, но мали количини од нив биле пронајдени на 14°C.

„Оваа студија ја демонстрира потребата производителите на пијалоци да дадат приоритет и да ги одржуваат плановите за безбедност на храната заедно со практиките специфични за производителите на пиво со низок алкохол и без алкохол“, рече д-р. Чарлс Вегдал.