Единствена Македонија на Бачев го повика ВМРО-ДПМНЕ за коалицирање, постави рок од 48 часа
Објавено во: Македонија 01 Март, 2020
Единствена Македонија на Јанко Бачев му понуди на ВМРО-ДПМНЕ заедничка коалиција за парламентарните избори на 12 април, а рокот за повратен одговор е 48 часа.
Условот е, како што реши Централниот комитет, е поништување на договорот со Грција за промена на името; поништување на договорот со Бугарија, поништување на пописот во 2002 и спроведување на попис „кој реално ќе ја прикаже бројноста на населението во Република Македонија“;
Услов е и, доколку коалицијата ВМРО-ДПМНЕ и Единствена Македонија освои 61 пратеник, да нема формирање влада со учество на албанска партија.
„Оваа коалиција може да го обезбеди опстанокот и просперитетот на народот и државата. На потег е ВМРО-ДПМНЕ. Татковината повикува!“, гласи повикот на Единствена Македонија.
Во спротивно Централниот комитет го овластува Извршниот комитет да донесе конечна одлука за настапот на партијата на изборите на 12 април со самостоен настап или формирање на патриотски блок на здруженија и партии.
Од таму велат дека досега се отворени 22 општински штабови и до почетокот на изборната кампања тој број ќе се зголеми на триесет канцеларии низ Македонија.
Можеби ќе ве интересира
НА 8-МИ ГРАЃАНИТЕ ГЛАСААТ: Колку пратеници очекува Мицкоски?
КАСАМИ ДО АХМЕТИ: Toj е фатен од синдромот на Мендух Тачи, кој само се заканува
Г.Г.СТЕФАН: Што е можно побргу, да се освестиме и да се обединиме како народ
ПРИТВОР ОД ОСУМ ДЕНА: Kaвадарчанец спречил полицајци да фатат побегнат затвореник
МОЈСОСКА: Апел до сите пратеници да се откажат од патните трошоци по примерот на Левица
МИЦКОСКИ: Воскресението е потврда дека надежта секогаш ќе победи
ПЕНДАРОВСКИ ГО ЧЕСТИТА ВЕЛИГДЕН: Да се сплотиме околу визијата за хумано, праведно и просперитетно македонско општество
ВИСТИНСКИ РАЈ ЗА ОЧИ: Скопјанка во неколку техники украсува велигденски јајца
