Една од најскапите земји за одгледување деца: Од државата добиваат 500 долари по дете до 3 години
Објавено во: Економија 30 Јули, 2025 21:35
Соочена со демографска криза, Кина воведе прва национална субвенција насочена кон зголемување на стапката на наталитет.
На родителите им се нудат 3.600 јуани (околу 465 евра или 500 долари) годишно за секое дете под три години.
Оваа мерка доаѓа и покрај фактот дека владејачката Комунистичка партија ја укина контроверзната политика за едно дете пред речиси десет години, а стапката на наталитет продолжува да опаѓа. Според проценките на државните медиуми, поддршката треба да им помогне на околу 20 милиони семејства полесно да ги покријат трошоците за одгледување деца.
Програмата, објавена во понеделник, им нуди на родителите вкупно до 10.800 јуани (околу 1.500 евра) по дете во период од три години. Пекиншката државна телевизија CCTV објави дека мерката ќе се применува ретроактивно од почетокот на оваа година. Семејствата со деца родени помеѓу 2022 и 2024 година, исто така, можат да аплицираат за делумни субвенции.
Овој потег се надоврзува на напорите на локалните власти низ цела Кина. На пример, градот Хохот во северна Кина им нуди на паровите со најмалку три деца до 100.000 јуани по дете од март, додека Шенјанг, североисточно од Пекинг, им плаќа 500 јуани месечно на семејствата со трето дете под три години.
Минатата недела, Пекинг ги повика локалните власти да изготват планови за воведување бесплатно предучилишно образование. Според студијата на кинескиот Институт за истражување на населението „Јува“, Кина е, во релативна смисла, едно од најскапите места во светот за одгледување деца. Истражувањата покажаа дека одгледувањето дете до 17 години во Кина чини просечно околу 75.700 долари, пренесе Б92.
Официјалните податоци од јануари потврдија дека населението на Кина се намалило трета година по ред. Според Националното биро за статистика, Кина регистрирала 9,54 милиони раѓања во 2023 година, што е мало зголемување во однос на претходната година, но вкупното население на земјата продолжило да се намалува. Покрај тоа, населението на Кина од 1,4 милијарди брзо старее, што дополнително ги продлабочува демографските проблеми на Пекинг.
foto freepik.com
Можеби ќе ве интересира
Словенија ќе го зголеми минималецот - колку ќе изнесува?
Хрватска ги заострува условите за вработување странци
Култура со голем потенцијал - заработката е до 20.000 евра по хектар
Еве како изгледаат владини станови за млади луѓе од 21 квадратен метар во Холандија: Чинат 45.000 евра
„Нашата цел е да привлечеме компании кои носат знаење, современи технологии и квалитетни работни места“: Димовски од ТИРЗ до менаџментот на Philips
ДЗР: Застарени предмети и неуплатени средства во буџетот на државата, ИТ напади и повеќе неправилности во работењето на Министерството за економија и труд
Хрватска повлекува храна за бебиња: Аптамилот има поголемо присуство на бактерии
