ЕК со „алтернативен буџет“ во случај на британско вето

Добивај вести на Viber

“Алтернативен буџет” подготвува Европската комисија за ЕУ до 2020 година,за да се одбегне блокадата што би можела да настане ,ако британската влада истрае на заканата од вето на заедничкиот европски буџет. Планираното зголемување на буџетот на ЕУ за периодот меѓу 2014 и 2020 година ,од околу седум отсто е не неприфатливо за владата на Британија,поради што премиерот Дејвид Камерон ги предупреди европските лидери дека Велика Британија ке стави вето, доколку не се почитуваат британските барања. Камерон кој в четврток и петок ќе биде во Брисел,на самитот посветен на заедничкиот буџет, бара замрзнување на заедничкиот буџет на сегашно ниво, што ќе значи дека Британците не ќе мора во следните седум години,да издвојат дополнителни десет милијарди евра. Тој уште бара замрзнување и на буџетот за идната година,како и намалување на платите на околу четири илјади функционери на ЕК во Брисел, што сега годишно изнесуваат 100 илјади евра. Лондонските медиуми тврдат дека експертите во Брисел ги испитуваат правните и техничките можности за “алтернативен буџет”,во случај на британското вето, што наместо на долг рок,би се усвојувал,секоја година,за годината што следи и за кој не е потребен консензус,туку само квалификувано мнозинство. Британските евроскпетици од партијата на независноста (УКИП) го оценија ваквиот план “шлаканица за Британците” и целосно изолирање на Велика Британија од ЕУ.Претставник на партијата изјави дека во ваква ситуација Камерон има две можности,или да го сврти и другиот образ,или да ја повлече земјата од ЕУ. Евроскпетиците инсистираат дека во вакви услови нема веке никаква смисла од натамошното останување на Велика Британија во Унијата,тврдејки дека ЕУ ке загуби повеке без британското членство,затоа што земјата е вториот најголем вложувач во заедничката европска каса. Лидерот на опозиционите лабуристи Ед Милибанд ја осуди сегашната политика на Камерон и на неговата влада кон ЕУ,како “месечарење” кое се заканува да ја изолира и да ја остави без сила земјата во Европа,но и тој смета дека ЕУ ке мора да изврши низа “неопходни реформи”.