Економска криза, а милионери се повеќе!

Добивај вести на Viber

Без оглед на постоечката криза бројот на милионерите во светот е зголемен во споредба со минатата година особено во Азија, каде „банкарските офшор компании“ привлекуваат се повеќе странски капитал. На клубот на милионерите, со богатство поголемо од милион долари не сметајќија на вредноста на нивните недвижнини, минатата година му се приклучиле повеќе од милион лица, покажува студијата, која кон крајот на мај ја објави Бостон Косталтинг Груп (БКГ). Бројот на милионерите во 2012 година се зголемил за 12,6, на 13,8 милиони. Ианку листата на земји според бројот на милионерите остана иста како и во 2011 година. Најмногу милионери живеат во САД, потоа во Јапонија, а на трето место е Кина. Приватното богатство во 2012 година е зголемено за 7,8 % и изнесува 135.500 милијарди долари, додека една година претходно изнесувало околу 104.295 милијарди долари. Најголема стапка на раст на приватното богатство, од 13,8 % минатата година имал Азиско-пацифичкиот регион, без Јапонија. Според проценките на БКГ, во Кина за пет години богатството во рацете на поединци двојно ќе се зголеми, односно се порасне за 104 %. Во Хонг Конг, според последните податоци, има најголема концентрација на супер богати, со банкарски сметки тешки над 100 милиони долари.