Добивај вести на Viber
Најмалку три контролни пункта поставени во близина на воените бази на северозападот во Сирија денеска биле освоени од бунтовници и екстремисти поврзани со Ал Каеда, соопштуваат опозиционите активисти.
Положбите кои се заземени во жестоките борби се наоѓаат во близина на базите Вади Деиф и Хамидих во близина на градот Марет ел – Нуман во сириската покраина Идлиб.
Бунтовниците од 2012 година се обидуваат да ги заземат овие положби но обидите биле безуспешни.
Сириската опсерваторија за човекови права и Локалните координациони одбори соопштиле дека бунтовниците отпочнале офанзива врз базите.
Директорот на Опсерваторијата за човекови права , Рами Абдурахман, истакнал дека бунтовниците и фронтот Нусра зазеле три контролни пунктови во близина на базите. Тој соопштил дека најмалку 15 војници и осум бунтовници загинале за време на судирите.