ЕКСТРЕМНА ОПАСНОСТ ВО АВСТРАЛИЈА, ИЗМЕРЕНИ 46 СТЕПЕНИ: Европа под снег од 1 метар
Објавено во: Свет 16 Декември, 2023
Големи делови од
Австралија беа преплавени во услови на топлотен бран денеска, поради што
Националната метеоролошка служба издаде предупредувања за пожари во неколку
држави. Во Нов Јужен Велс, најнаселената австралиска држава, денеска горат
повеќе од 50 пожари и воведена е целосна забрана за пожари во многу области,
вклучувајќи го и Сиднеј, соопшти државната противпожарна служба.
Постои голем ризик од екстремна опасност објави Агенцијата за кризи, која на Твитер наведе дека повеќе од 700 пожарникари работат низ државата за да ги изгаснат пожарите во услови на „распространета висока и екстремна опасност од пожари„
Во градот Фицрој Кросинг, Западна Австралија, денеска прогнозираната максимална температура од 46 Целзиусови степени е повеќе од пет степени над просечниот максимум за декември, според синоптичарите.
Истовремено, речиси цела Европа е под снег. Снежната покривка некаде надминува и 1 метар.
Во Германија се најавени 50 сантиметри нов снег. Снежната покривка предизвика потешкотии во сообраќајот на југот од земјава. Под снег се и Австрија, Франција, Чешка, Италија, Романија, Бугарија...
Метеоролозите, сепак, велат дека нема прогноза за врнежи од снег околу Божиќ.
ФОТО: EPA