ЕЛКА КОЈА ЧИНЕЛА САМО 6 ПЕНИ ПРОДАДЕНА Е НА АУКЦИЈА ЗА 4.000 ЕВРА: „Најскромната елка на светот“ е купена во 1920 година
Објавено во: Свет 16 Декември, 2023
Една од првите масовно произведени новогодишни
елки, наречена „најскромната елка на светот“, беше продадена на аукција во
Велика Британија за 3.400 фунти (околу 4.000 евра), иако чинеше шест пени при
купувањето во 1920 година.
Дрвото го украсуваше домот на Дороти Грант цели 94 години од нејзината осумгодишна возраст до нејзината смрт на 102-годишна возраст, по што стана сопственост на нејзината ќерка Ширли Хол во 2014 година.
Новогодишната елка, висока 79 сантиметри со само 25 гранки, се очекуваше да се продаде за 60 до 80 фунти (околу 70 до 90 евра), но на аукцијата на куќата Хансон достигна цена од 3.400 фунти (околу 4.000 евра), пренесува Гардијан.
- Ова е една од најстарите новогодишни елки од тој вид што сме ја виделе. Мајката на Дороти Грант го купила дрвото во 1920 година, а Ширли мисли дека можеби е купено во продавница во Лондон. Тоа потсетува на првите масовно произведени новогодишни елки направени од популарната стоковна куќа Woolworths. Сепак, црвената декорација на дрвената основа е различна од примерите на Woolworths продадени порано. Можеби дрвото на Дороти е произведено за скапа стоковна куќа во Лондон - изјави Чарлс Хансон, сопственик на истоимената аукциска куќа.
Хансон додаде дека дрвото е симбол на пораката на старите генерации за вреднување на едноставни работи кои не треба да се менуваат само затоа што тоа е можно.
ФОТО: Instagram