ЕУФОРИЈА ЗА РАБОТА ВО СЛОВЕНИЈА: Ќе работат што било само да отидат
Објавено во: Економија 29 Септември, 2019
Повеќе илјади невработени од Ниш, Бор, Врање, Краљево, Смедерска Паланка сакаат да заминат на работа во Словенија, пишуваат српските медиуми.
„Барам каква било работа, само да одам што подалеку од овде. Слушнав дека условите за работа во Словенија се добри, но тоа ништо не значи додека не отидам таму и да видам“, вели Далибор Алексиќ (26) од Смедеревска Паланка.
Светлана Илиќ која има 52 години, од Ниш на саемот каде се презентираа словенечките компании, на сите штандови оставила CV.
„Овде нема перспектива, ниту иднина. Имам години, но мислам дека можам да најдам работа во Словенија. Добар работник сум, а таму добрите работници се ценат. Овде никој не го цени добриот работник, само гледаат да ги експлоатираат“, вели таа.
Немања Петриќ кој има 29 години, додава дека во Ниш може да најде работа, но дека платата е далеку од прифатлива, пишува bizlife. Имал понуда за работа за плата од 27.000 динари, но веднаш таа понуда ја одбил.