Еуростандард банка е пред продажба на бугарски инвеститор
Објавено во: Економија 09 Јануари, 2019
Еуростандард банка е во преговори за продажба на капиталот на бугарски финансиски инвеститор, дознава Фактор од извори од банката.
Преговорите се воделе интензивно и се тврди дека зделката е пред крај. За да се реализира треба одобрување и од Народната банка.
Еуростандард банка е во сопственост на два еднакви субјекти со идентични права и обврски - Г.О. Ф.И. Груп (G.O.F.I. Group of Finance and Investment SA) од Мелиде Швајцарија која поседува 50 отсто од капиталот и за кој стои бизнисменот Трифун Костовски. Половина од капиталот е во сопственост на E.H.H. Eastern Hemisphere Holding SA исто така од Мелиде Швајцарија.