ЕВЕ КАКО МИНУВА ПРВИОТ ДЕН ОД ВАКЦИНАЦИЈАТА ПРОТИВ КОВИД-19: Фотогалерија од пунктот во Модуларната болница

Добивај вести на Viber

Во точно 10 часот утринава почна имунизацијата против корона вирусот на здравствените работници, а први ја примија д-р. Добринка Наунова и главната сестра Габриела Темелковска од Инфективната клиника. Министерот за здравство, Венко Филипче, оценува дека се е подготвено целиот процес на имунизација да се одвива без проблеми и дека во нареедните 10 дена би требало да заврши вакцинирањето со првата доза на сите 4.000 здравствени работници кои се пријавија досега.

-Системот добро функционира. Започнува со земање анамнестички податоци, краток преглед, административната работа, внесување на податоците за веќе закажаниот термин и закажување на следниот термин за ре-вакцинацијата после три недели и тоа интензивно се спремаше во овие изминати денови. Тука е поставена целата инфраструктура, дел од вакцините се чуваат и во овие фрижидери во модуларната болница. Може да седат до 5 дена на температура од 2 до 8 степени, после што се раствораат и во рок од 5 часа мора да се аплицираат на тие што ја примаат. Ова е еден систем којшто исто така беше дел од тренингот. Посакувам успешна имунизација, направивме организација - еднаш кога ќе започне имунизацијата да не запре. Ги очекуваме и следните количини според најавите и верувам дека во следните месеци ќе имаме навистина успешен процес на вакцинација, информираше Филипче.

Во продолжение погледнете низ фотографии како минува првиот ден од вакцинацијата: