ЕВЕ КАКО РЕАГИРАШЕ БЕРНИ САНДЕРС КОГА ДОЗНА ДЕКА САД ГО НАПАДНА ИРАН - „не сакаме повеќе војни“ (ВИДЕО)

Добивај вести на Viber

Американскиот сенатор Берни Сандерс, левичар, во текот на својот говор во Тексас дознал дека САД го нападнале Иран.

Сандерс, кој е жесток противник на поддршката на САД за активностите на Израел на Блискиот Исток, доби документ во која беше и изјавата на Трамп за нападот врз Иран.

Откако неколку моменти со неверица ја затресе главата, тој рече дека станува збор за нелегални и неуставни напади бидејќи според американските закони, само Конгресот може да одобри влез во војната.

Додека го читаше говоорот на Трамп и по завршувањето публиката постојано свиркаше и скандираше „не сакаме војни“ или „no more war“.

Here’s the moment Bernie Sanders found out that Trump bombed Iran. A staffer handed him a news clipping while he was talking about the Big Beautiful Bill in Tulsa. pic.twitter.com/4vM1vMnr6z

— Brian Krassenstein (@krassenstein) June 22, 2025

Само пред два дена, Сандерс го критикуваше израелскиот премиер Бенјамин Нетанјаху, велејќи дека со децении греши во врска со Блискиот Исток.

Во соопштение за медиумите, Сандерс се осврна на изјавите на Нетанјаху од 2002 година во кои повика Америка да влезе во војна со Ирак.

„Нема сомнение дека Садам Хусеин се стреми кон нуклеарно оружје. Ако го елиминирате режимот на Садам, ви гарантирам дека тоа ќе има позитивно влијание“, го цитираше Сандерс Нетанјаху.

Потоа, тој рече дека израелскиот премиер не бил во право.

„Нетанјаху многу грешеше. Војната во Ирак резултираше со 4.492 убиени американски војници и над 32.000 ранети. Исто така, нè чинеше повеќе од три трилиони долари. Стотици илјади Ирачани загинаа поради оваа трагична војна. Нетанјаху грешеше во врска со војната во Ирак. Греши и сега. Не смееме да се вклучуваме во војната на Нетанјаху против Иран“, рече Сандерс.

Фото: EPA-EFE/ALLISON DINNER