ЕВЕ КАКВА Е СОСТОЈБАТА НА ПОВРЕДЕНИТЕ КОИ СЕ ЛЕКУВААТ ВО УРГЕНТНИОТ ЦЕНТАР ВО БЕЛГРАД: Двајца се оперирани, двајца се на механичка вентилација, а има и пациенти кои се во добра состојба
Објавено во: Македонија 23 Март, 2025 09:50
Седумнаесет лица повредени во пожарот во Кочанисе лекуваат во Ургентниот центар на Универзитетскиот клинички центар на Србија во Белград од кои две се на механичка вентилација, а двајца се оперирани, изјави др Милан Стојичиќ, директор на Клиниката за пластична и реконструктивна хирургија при УКЦС, јави дописникот на МИА од Белград.
Стојичиќ нагласи дека пациентите се во добра состојба и постоперативно е без проблеми.
„Нивниот постоперативен тек се одвива без проблеми. Наредната недела веројатно ќе бидат оперирани уште пет-шест пациенти. Имам и добри вести, неколку пациенти веројатно ќе можат да бидат префрлени на одделение бидејќи успешно се опоравува нивната респираторна функција, а раните од изгорениците се такви што не бараат престој на одделението за Интензивна нега“, изјави тој за РТС.
Тој наведе дека кај пациенти кои веќе се оперирани, процедурата опфаќа отстранување на девитализирано ткиво и покривање со автотрансплантација, што значи дека нивна сопствена кожа се зема од други региони и се пресадува на изгорените места.
На еден пациент ќе му биде извршена нова операција за околу пет денови (на другата рака).
Според него, за оние на кои им претстои операција, нема да бидат потребни донатори на кожа.
Што се однесува до опоравувањето на оние кои биле оперирани, Стојичиќ истакна дека конечниот резултат обично се забележува за 14 дена, а потоа следи фаза на опоравување со помош на физикална медицина.
Можеби ќе ве интересира
ФАКТОР НА ДЕНОТ: Повреден од пожарот во Кочани кој се лекуваше во Србија се врати во земјава
ПЛАКЕТА ЗА ХРАБРОСТ И СТИПЕНДИЈА: Oпштината ќе го награди Јован Костадинов
ВЛАДАТА УСВОИ ИЗМЕНИ: Лиценците на градежните фирми ќе се проверуваат најмалку двапати годишно
СЕ ВРАТИ ПРВИОТ ПАЦИЕНТ ОД 115 ШТО БЕА ПРЕНЕСЕНИ ВО СТРАНСТВО: Чибишев објасни што понатаму
ГИ ЗАКЛУЧИЛЕ, ИМ ДАВАЛЕ ПО МАЛКУ ХРАНА И ВОДА: Шест млади мигранти се спасени од заложништво во Студеничани
СЕ ЛЕКУВА ВО ИЗРАЕЛ: Македонски државјанин e повреден при напад во Газа
ПУКАЛ СО „БЕРЕТА“ ВО СОЦИЈАЛЕН РАБОТНИК – КУРШУМИ ВО АРКАДАТА И СЛАБИНАТА: Истрага за обид за убиство против прилепчанец
Приведен Ејуп Рустеми, екс директорот на „Државни патишта“, за управителот на „2СС“ се бара притвор
МИНИСТЕРСТВОТО ЗА ЗДРАВСТВО СО АПЕЛ ДО ПОВРЕДЕНИТЕ ВО КОЧАНИ: Да се третираат само во здравствени установи и специјализиран кадар, несоодветна терапија носи ризик од последици
