Европа ја очекува топлотен бран: Дел од неа поплавен

Добивај вести на Viber

Во наредните денови во Европа се очекуваат рекордно високи температури. Меѓу најпогодените ќе бидат Франција и Германија. Додека поројните дождови се очекуваат во Србија, Романија и Унгарија.

Над 30-тиот степен целзиусов, беа вчерашните температури на воздухот во Франција. Овие степени се почетокот на  топлотниот бран во земјата, предупредуваат метеоролозите. Следните неколку дена се очекуваат температури  до 47 степен . Најмногу погоден ќе биде северниот дел на Франција, пренесуваат медиумите од регионот.
Синоптичари велат дека очекуваат исклучителен топлотен бран за месец јуни, во текот на наредните 6-7 дена ќе има температури кои никогаш порано не биле забележани во шестиот месец од годината.

Дури и во текот на ноќта се очекуваат температури над  20 степен.

Поради најавите од метеоролозите за топлотниот бран, ќе се дели бесплатна вода на повеќе пунктови во земјата, властите лансираа и така наречени соби со климатизација, во јавни соби или на популарни места.

Исто така парковите и базените ќе работат со подолго работно време.

Франција е особено чувствителна на топлина, бидејќи во август 2003 година, најмалку 15.000 лица загинаа поради топлината.

Дел од граѓаните на Париз велат дека не се задоволни од топлината, бидејќи во главниот град на Франција нема многу климатизирани апартмани, луѓето повеќе купуваат вентилатори.

Повисоки температури се очекуваат и во Германија. Невообичаено жешко време се очекува и во Швајцарија и Белгија.

Додека во еден дел на Европа се подготвуваат властите за топлотен бран, во друг дел на најстариот континент во некои држави улиците изгледаа како реки од поројните дождови.

Во многу региони во Унгарија поројните дождвои направија поплави, улиците се претворија во реки, шахтите од канализацијата извираа со вода, поплавени се неколку станбени згради и обработливо земјиште.