Европа се откажува од афричкото сонце, Кина заинтересирана за соларната енергија

Добивај вести на Viber

Амбициозниот план за задоволување на 15% од енергетските потреби на Стариот континент преку соларни фарми во Северна Африка е пред неуспех, пишува БиБиСи. Проектот „Desertec“ имаше за цел да испорачува струја за Европа преку мрежа од обновливи извори на енергија и високоволтни кабли кои треба да бидат поставени на дното на Средоземното Море. Во последните недели, сепак двата клучни индустриски фрупации кои го поддржуваат проектот, се откажаа. Шпанската влада, исто така одбива да потпише договор за изградба на соларни централи во Мароко. „Desertec“ беше формиран во 2009 година со предлог буџет од 400 милијарди евра, со кои требаше да стартува производството на сончева енергија во Северна Африка. Идејата беше до 2050 година капацитетот на моќ да достигне 125 гигавата. На овој начин може да се покријат сите локални енергетски потреби и истовремено за Европа да се извезуваат големи количини електрична енергија преку каблите на дното на Средоземното Море. Три години подоцна, проектот е речиси замрзнат. Два од главните индустриски партнери Сименс и Бош објавија дека се повлекуваат. Некои европски влади исто така губат ентузијазам. Еден од првите конкретни чекори што „Desertec“ ги најави беа плановите за изградба на 3 соларни паркови во Мароко. Декларација за инвестицијата требаше да биде потпишана од група земји, вклучувајќи ги Шпанија и Италија. Шпанската влада сепак реши да се воздржи, повикувајќи се на тешкотиите во обезбедувањето на потребните субвенции. Зрак надеж за проектот дадоа новите информации дека Кина може да инвестира во замена за пристап до одредени технологии. „Кинеските пари можат да помогнат. Кина сака да ги дознае новите технологии навистина може да спаси проектот. Тие имаат огромни можности “, коментира Ханс Јозеф Фел, пратеник од Партијата на Зелените во германскиот парламент.