ЕВРОПА СЕ ПРАШУВА: Зошто смртноста е мала во Бугарија и Албанија?

Добивај вести на Viber

Три месеци по почетокот на кризата со корона во Европа, стана јасно дека посиромашните земји на стариот континент ги „поразиле“ побогатите, пишува италијанскиот весник „Кориере дела Сера“, пренесе БНТ.

Во текстот со наслов „Коронавирусот во Европа: Зошто Романија, Бугарија, Албанија и Грција имаат помалку смртни случаи“, се тврди дека посиромашните земји имаат помалку жртви на Ковид-19 затоа што вовеле рано строги мерки.

„Веројатно помалку заразени луѓе заминаа во Централна и Источна Европа во текот на клучните недели од јануари и февруари“, се вели во текстот.

Нагласено е дека, според податоците, некои земји биле свесни за ранливоста на нивниот здравствен систем и затоа не ја потцениле ситуацијата во Шпанија и Италија, но решиле да применат строги правила во рана фаза.

Весникот го наведува датумот 15 март и двата пристапи во Европа - Источна и Западна. Во тоа време, Италија веќе тврдеше дека има 1.809 жртви на Ковид - 19, а имаше 24.000 заразени, Шпанија имаше 294 и 7.988 смртни случаи, Франција, трета најпогодена земја, имаше  5,423 тестирани позитивни. додека „остатокот од Европа мислеше дека е недопрен“.

Многу земји во Европа премолчено се сомневаа дека епидемијата во јужниот дел на континентот е резултат на недостиг на организација во тие земји. 

Според индексот на универзитетот во Оксфорд, кој го следи одговорот на земјите од целиот свет на предизвикот и ги оценува од 1 до 100, при што највисокиот резултат е за максимално затворање, Албанија има 84 бода, Словачка - 71, Романија - 67, Полска - 60, Унгарија - 59, Грција - 57.

Ситуацијата во богатите земји е различна: Германија има 37 бода, Франција - 50, Белгија - 53 и Велика Британија - 11.

фото БГНЕС