ЕВРОПСКИ ЗАКОНИ: Црните пари да се враќаат во државната каса, а не кај криминалците
Објавено во: Економија 29 Февруари, 2016 10:09
Европскиот парламент изгласа нови правила, со чија помош полесно ќе се замрзнуваат и запленуваат нелегално стекнаното богатство и имот во цела Европска Унија.
Па така, ако досега во националнатата економија се враќаа помалку од еден процент од незаконските пари, со овој закон сите земји членки се обврзани да го одземат криминално стекнатиот имот, веднаш по првата правосилна пресуда.
Властите можат да го запленат имотот, дури и ако осомничениот е отсутен, болен или во бегство и против него тече „постапка во отсутност”.
Со новите правиле им се овозможува на државите да го одземаат нелегално стекнатиот имот и во случаи на активна и пасивна корупција во приватниот сектор, организиран криминал, детска порнографија и сајбер криминал.
Целта е националната економија да има корист од незаконските пари и да бидат вратени во нејзиниот буџет. ЕУ смета дека ако ова не се направи, црните пари можат повторно да бидат вратени во организиран криминал и да бидат загубени за даночните благајни.
Можеби ќе ве интересира
Побарувачката за сребро ќе расте - кои земји имаат најголеми резерви?
ЕУ ОДОБРИ ПОМОШ ЗА УКРАИНА: Што се случува со цените на златото и пченицата?
Како вештачката интелигенција навистина влијае на пазарот на трудот?
Најголемото наоѓалиште на злато досега – илјадници тони скриени на 1.900 метри
НА ЕУ И НЕДОСТАСУВААТ МЕНАЏЕРИ ЗА ПРОДАЖБА, МАРКЕТИНГ И РАЗВОЈ: Оваа професија има незадоволена побарувачка
Запленетите акции на Сашо Мијалков во Алта банка ставени на продажба
