Европскиот универзитет на Бојо Андрески остана без професори, замените веднаш пронајдени?

Добивај вести на Viber

27 професори и асистенти од Европскиот универзитет си заминале од професорските места поради неисплатени плати, јави Телевизијата 24 вести. Информацијата, за телевијата ја потврдуваат професорите кои напуштиле, но засега сакаат да останат анонимни. Според нив, последните две плати ги добивале на рака и не им биле исплаќани никакви придонеси. Сопственикот на колегиум ги информирал дека сметките му се блокирани и дека не може да ги исплаќа до јуни, по што повеќето од професорите и асистентите одлучиле да си заминат, објави телевизијата. Студентите на Европскиот универзитет, потврдиле дека дел од професорите навистина заминале и велат дека веднаш им била најдена соодветна замена. Од Министерството за образование велат дека  се информирани за заминувањето на група професори, но не знаат дали им е најдена замена и што се случува со предавањата. Од Просветникот инсперкторат, пак, велат дека во тек е инспекциски надзор и повеќе детали најавија за следната недела. На Европски има шест факултети  во прв и втор циклус на студии, со просек по 40 предмети по факултет. Во случај секој од професорите да држи по најмногу 8 предмети, тогаш секој факултет треба да има по пет професори или за шесте факултети во двата циклуси вкупно 30 професори. Во законот има уште една нејаснотија околу  тоа дали сите професори мора да се во редовен работен однос, а јасно е определено и дека хонорарно професори  може да се регрутираат само од други универзитети или факултети со кои Европски има договор. Одговорот на сите овие дилеми треба да го даде Просветниот иснпекторат, објави телевизијата.