ФАЈЗЕР СО СИЛЕН ИМУНОЛОШКИ ОДГОВОР АКО СЕ ПРИМА НА 8 НЕДЕЛИ: Научниците откриваат во најновата студија

Добивај вести на Viber

Осумнеделниот временски интервал меѓу првата и втората доза на вакцината Фајзер генерира многу силен имунолошки одговор, откриваат научниците. Во најновата студија финансирана од Одделот за здравство и социјална грижа (DHSC) на Велика Британија, истражувачите откриле дека кога ќе се спореди со четиринеделен интервал, 10-неделениот интервал помеѓу дозите произведува поголеми нивоа на антитела, како и поголем процент на група клетки кои се борат против инфекции во телото познати како „помошни“ Т-клетки. 

За студијата, како што пишува денеска Гардијан, истражувачите го споредиле имунолошкиот одговор на 503 вработени во NHS кои примиле две дози на вакцина во различно време од крајот на 2020 до почетокот на 2021 година во време кога алфа варијантата, британскиот вид, брзо се ширела. Нивото на антитела во крвта се мери еден месец по приемот на втората доза на вакцината.

Проф. Сузана Дуанчи, од Универзитетот во Оксфорд, која е заеднички главен истражувач во студијата, вели дека тимот открич дека и кратки (три до четири недели) и долги (10-неделни) интервални мегу двете дози, вакцината на Фајзер создава силни имунолошки реакции на антитела и Т-клетки.

Но, како што појаснува подолгиот распоред доведе до поголемо ниво на антитела и поголем процент на помошни Т-клетки, што според истражувачите ја поддржува имунолошката меморија.

Научниците откриле дека по втората доза, дадена по подолг временски интервал, исто така, резултира со поголеми нивоа на неутрализирање на антитела против дета варијантата, како и сите други претходни.

Истражувачите велат дека може да има исклучоци каде што треба да се скрати распоредот на дозирање од осум недели на четири, како на пример за оние кои наскоро треба да имаат третмани што можат да влијаат на имунолошкиот систем, како што се рак или трансплантација на органи.