Фактор анализа: Има ли „леб“ од месото? Кои се најголемите месарници – семејни бизниси?

Добивај вести на Viber

Во Македонија лани „леб од месото“ ваделе 18 месарници кои успеале да направат приход од продажба поголем од еден милион евра. Најголем број од овие компании со дејност: продажба на мало на месо и месни производи во специјализирани продавници се семејни бизниси кои градат или имаат изградено препознатлив имиџ и доверба кај потрошувачите во локалните заедници во кои работат

Најголемите семејни бизниси – месарници успеале да „откинат“ над 40 милиони милиони евра на големите месарски ланци во Македонија, покажуваат податоците од анализата на „Фактор“ за работењето на малите семејни месарници лани.

Од податоците е видно дека има 18 компании -месарници чија дејност е продажба на месо на мало во специјализирани продавници, а кои успеале лани да направат приход од продажба кои надминуваат еден милион евра.

Кога се анализираат податоците, генерално впечатокот е дека овие фирми не прават значајни профити од своето работење. Најголемата добивка (како учество во приходите) ја има една од најмалите месарници – тоа е битолската фирма „Дани Комерц“ кај која добивката во приходот учествува со 10 отсто. Следна е кавадаречката компанија „Дироко“ и таму профитот учествува со помалку од 7 отсто од приходот што во апсолутна вредност е 178.000 евра.

Бројот на вработени во овие „мали, а големи“ месарници варира од 2 до 46 лица.

Исто така интересно е да се напомене дека според висината на приходите не може да се каже дека доминираат месарниците од Скопје иако се најбројни на листата. Тоа веројатно се должи на два фактори од кои првиот е тоа што населението од градовите во внатрешноста има доверба во локалните брендови, но и тоа што во Скопје пазарот е најголем, но и е најсилна конкуренцијата меѓу месарниците.

Повеќе на темата за месото на следниот линк СКОПЈАНИ ЈАДАТ НАЈСКАПО МЕСО ВО МАКЕДОНИЈА: Големи разлики во цените на храната од град во град