ФАКТОР ДОЗНАВА: Најголемата бугарска компанија за онлајн игри на среќа влегува во Македонија
Објавено во: Економија 24 Октомври, 2023
Најголемата бугарска компанија за онлајн обложување Телематик Интерактив Бугарија влегува со бизнис одлука во Македонија.
Акционерското друштво за приредување игри на среќа, како што дознава „Фактор“, влегува на македонскиот пазар преку преземање на удели од веќе постоечка фирма во нашата земја.
Станува збор за компанија чие собрание на акционери летото донесе одлука за распределба на дивиденда од остварената добивка од 11,55 милиони евра за 2022 година.
За Телематик Интерактив Бугарија АД, како што е објавено на нивниот веб-сајт, пишува дека е носител на лиценцата на една од најголемите платформи за казино игри и спортски облози во Бугарија - Palms Bet и е сопственик на провајдерот на содржини за игри CT Interactive.
Откако лани се трансформира во акционерско друштво, пазарната капитализација на операторот надминала 100 милиони евра, што го рангираше меѓу 20-те најголеми друштва на бугарската берза. Истата година акцијата на компанијата која оперира под марката Palms Bet беше една од најтргуваните на берзата.
Sazka Group со седиште во Чешка, водечки европски бизнис за коцкање, ја основа оваа подружница на бугарскиот пазар во 2012 година. Услугите за игри на компанијата се достапни и онлајн и преку мобилни уреди. Како што пишувале бугарските медиуми, се нуди широк спектар на услуги за коцкање, како што се онлајн спортски коефициенти, обложување во живо, казино игри и други онлајн содржини за обложување.
Во годишниот финансиски извештај на компанијата се наведува дека нејзините лански приходи се зголемиле за 32 отсто и достигнале повеќе од 50 милиони евра.
А.К.
Можеби ќе ве интересира
НЕ ИМ Е ЛЕСНО НА БУГАРСКИТЕ ПЕНЗИОНЕРИ: Колку од нив се на работ на сиромаштија?
Министерката Божиновска и амбасадорката Агелер: Силно партнерство со САД - Разговори за енергетска иднина
СПАС ЗА ГЕРМАНСКАТА АВТОМОБИЛСКА ИНДУСТРИЈА – ШТО СЕ ДОГОВАРА ВО ДАВОС?: Ќе има бонус за секој што купува електричен автомобил
АКО СТЕ НАДВОР ОД ЕУ, НЕМА КУПУВАЊЕ ИМОТ: Eвропска земја воведува ограничувања
ХРВАТИТЕ ОТКРИЈА ПЕСТИЦИД ВО ЛУК: Од која земја е производот?
КРИСТИН ЛАГАРД СО ПРЕДУПРЕДУВАЊЕ ОД ДАВОС - Европа мора да биде подготвена за царините на Трамп
„РЕПЛЕК“ ОТКРИ КОЛКУ ПАРИ ЌЕ ИНВЕСТИРА ВО СЛЕДНИВЕ ТРИ ГОДИНИ - еве во кои проекти ќе се вложат средствата
„Државна лотарија“ под водство на Перпарим Бајрами трошела по милиони евра за закуп на простор и услуги
Трамп ја лансираше „Ѕвездената порта“, проектот вреден 500 милијарди долари предизвика берзански земјотрес
