ФАКТОР НА ДЕНОТ: Филипче го разреши Зивери, а Дончев е повикан на разговор во полиција

Добивај вести на Viber

МИНИСТЕРОТ ФИЛИПЧЕ ГО РАЗРЕШИ ДИРЕКТОРОТ ЗИБЕРИ

Министерството за здравство информира дека е разрешен ВД Директорот на Центарот за јавно здравје Скопје, д-р. Арбен Зибери.

Зибери е разрешен заради пласирање на неточни изјави во јавноста со што директно наштети на угледот на членовите на Комисијата за заразни болести, доведувајќи го во прашање кредибилитетот на здравствените институции во борбата со коронавирусот.

Министерството информира дека д-р. Александар Стојанов, епидемиолог од Центарот за јавно здравје е назначен за нов ВД директор на Центарот.

НОВИ 163 ЗАБОЛЕНИ ОД КОРОНАВИРУСОТ

Во последните 24 часа има 163 нови позитивни на Ковид-19 од направени 1074 тестирања, од кои во Скопје има 70. При тоа во ГОБ „8 септември“ починаа три лица, пациент од Ресен (42г) хоспитализиран на 13 јуни и двајца пациенти од Скопје (71г) хоспитализиран на  15 јуни и пациентка (83г) хоспитализирана на 23 јуни.

Од останатите градови Куманово има 2, Дебар-6, Штип-14, Прилеп-2, Тетово-25, Струга-4, Велес-2, Битола-1, Охрид-9, Кавадарци-3, Гостивар-11, Струмица-1, Крива Паланка-2, Кочани-3, Свети Николе-4, Ресен-4.

Денеска Институтот за јавно здравје регистрира 40 оздравени пациенти од: Скопје-6, Куманово-1, Штип-16, Прилеп-1, Тетово-9, Велес-2, Битола-1, Гостивар-2, Кочани-1, Ресен-1.

ДЕН ДОНЧЕВ ПОВИКАН ВО ПОЛИЦИЈА

Поранешниот директор на ФЗО, Ден Дончев бил уредно поканет на разговор во полиција. 

Во ПС Карпош уредно самиот се пријавил, информираат од МВР. 

По извршениот разговор си заминал. 

Претходно, беа објавени аудио и видео снимки на кои наводно се гледа како Ден Дончев прима пари и разговори во кои се споменуваат имињата на поранешниот премиер Зоран Заев, и неговиот адвокат Филип Медарски.

Само што заврши видео средбата на иницијатива на еврокомесарот Оливер Вархеј со моите колеги од Балканот, министрите за надворешни работи, информира шефот на дипломатијата, Никола Димитров. 

„Се интересираше за ситуацијата со пандемијата. Сите информиравме за ситуацијата и напорите што ги правиме секоја земја одделно, сите заедно. Нè информираше дека во Брисел комисијата, земјите-членки разговараат и треба да донесат одлука околу слободата на патување од Балканот кон Европската Унија врз основа на епидемиолошката слика. Одлука што сè уште не е донесена“, наведува Димитров. 

Во најновиот предлог-список на земји чии граѓани ќе можат да влезат во Европската унија од први јули, наведени се сите балкански држави, но не и Македонија, тоа само што беше објавено во Брисел, пишува Еуроњус.

Многу македонски граѓани кои коронавирусот ги затекна во странство, по што границите се затворија, сега едвај чекаат целосно да се отворат границите и аеродромите за да се вратат дома.

Ако во април некако се држеле, во мај годинава буџетските приходи веќе значајно се „срушиле“. Ова го покажуваат најновите податоци на секторот за трезор на Министерството за финансии, за месечното полнење и празнење на државната каса.

Во медиумската кампања која веќе започна, видливо е присуството на новите услови кои ги наметна КОВИД-19 пандемијата иако партиите сакаат барем засега на почеток на претставувањето пред гласачите оваа тема да не им биде во фокусот.

Кој не влегол внатре, не знае каква е ситуацијата. Со овие зборови го започна разговорот, д-р. Драган Клопчевски, интернистот од Дебар, кој веќе од понеделникот е прераспределен во ГОБ „8 Септември“, најголемиот Ковид-центар во Македонија, за да помогне на своите колеги во борбата против корона вирусот.