ФАКТОР НА ДЕНОТ: Изгласан законот со кој ќе се дозволи увоз на вакцини, денес 61 заразен

ДЕНЕС 61 ЗАРАЗЕН СО КОРОНАВИРУСОТ

Министерството за здравство информира, согласно податоците од Институтот за јавно здравје во последните 24 часа се направени 678 тестирања, а регистрирани се 61 нови случаи на ковид-19 во:

Скопје – 35, Кавадарци –7,  Тетово – 3, Прилеп – 3, Штип – 3 , Охрид -2, Струга -2, Кочани – 2, Куманово – 1, Гостивар -1, Велес – 1, Крива Паланка – 1 . 

Регистрирани се 440 оздравени пациенти од:

Скопје – 266, Кавадарци – 26, Куманово – 23, Битола – 18, Прилеп – 17, Тетово – 13, Струмица – 12, Штип – 10, Кочани -9, Велес – 7, Гостивар – 6, Крива Паланка – 5 , Берово – 5 , Пробиштип – 5, Кичево – 3, Гевгелија – 2 , Неготино – 2 , Ресен – 2 ,Виница – 2 , Богданци – 2 , Охрид – 1 , Свети Николе -1 , Радовиш – 1 , Демир Хисар -1 , Пехчево – 1.

ЌЕ ИМА ПРИЈАВИ ЗА „МОНСТРУМ“

Утре или задутре ќе има детали за поднесени пријави за протестот за случајот „Монструм“. 

Ќе има кривични и прекршочни пријави за протестот кој се одржа минатата недела во Скопје, при што демонстрантите скандираа големоалбански пароли и фрлаа камења. Министерот за внатрешни работи, Оливер Спасовски ова го соопшти денеска откако на дебата за измените во Законот за полиција, пратеникот Бране Петрушевски од ВМРО-ДПМНЕ, кажа дека во изминатиот период полицијата селективно постапувала и го спомена настанот од Вевчани. 

БОРКО РИСТОВСКИ СВЕДОЧЕШЕ ЗА 27 АПРИЛ

Поранешниот голман на македонската ракометна репрезентација Борко Ристовски денеска како сведок на одбраната на обвинетите за организација на крвавиот настан на 27 април 2017 во Собранието рече дека на фамозниот датум не бил во Скопје и дека на движењето „За заедничка Македонија“ му давал смао морална поддршка.

Рече декa не е член на ниту една партија, но оти како Македонец дал поддршка на протестите со статуси на Фејсбук.

ЧИТАЈТЕ УШТЕ

Владата во 2019 е еден од најголемите јавни потрошувачи со склучени договори во вредност од 263,7 милијарди денари, или околу 4,27 милиони евра преку генералниот секретаријат, објави минатата недела Бирото за јавни набавки по обработката на тендерите кои се договарале нешто повеќе од една година. 

Додека трае пандемијата на коронавирусот, а луѓето треба да избегнуваат социјални контакти, во земјава нема голем избор на работни места за кои обврските комотно можат да се обавуваат од дома.

Владата ќе креира Национален развоен план за кој неделава почнува широка дискусија во која треба да бидат вклучени сите засегнати страни – коморите, синдикати, работодавачи, познавачи, експерти.

Градежната компанија Бетон Штип се најде во центарот на вниманието, повторно, поради случајот со изградбата на Клиничката болница во Штип, процес кој сега е запрен. Во овој случај Бетон Штип беше подизведувач на Интраком констракшн – Интракат Грција, компанија против која веќе Бетон Штип имаше судски спор за наплата на два милиони евра, наводно за штета која  ја претрпеле поради тоа што договорот бил раскинат. 

Британскиот сој на вирусот, кој според научниците има многу побрза трансмисија, дури и за 70 отсто, веќе е детектиран во повеќе од 70 земји во светот, а во некои од земјите на Европската Унија придонесе властите да препорачаат поинаквни мерки на заштита.

foto freepik