08 Август, 2020
0.0375

ФАКТОР НА ДЕНОТ: Kaмпањата влегува во финишот, денес имаме 168 нови заболени од Ковид -19

Објавено во: Македонија, Корона Вирус 09 Јули, 2020

КАМПАЊАТА ОДИ КОН ФИНИШОТ, ИМА И НОВИ „БОМБИ“ 

Две нови снимки на кои се слуша лидерот на СДСМ и поранешен премиер Зоран Заев беа објавени денеска на јутјуб на каналот „Мијачко Шилеже“ . Станува збор за телефонски разговор а гласот на соговорникот е мутиран.

Во првиот разговор се споменува името Сашо но не е споменат со презиме иако медиумите алудираат дека станува збор за Мијалков.

Заев бара писмено решение од финансиската полиција дека во Општина Струмица прекинуваат сите постапки на контрола и не е пронајдено ништо. На крајот на тонскиот запис Заев вели „нека повлечат сѐ со решение и нема да објавам ништо“.

Ова е транскриптот од тој разговор:

ХХ: Значи Сашо е спремен за договор. Сашо.

Заев: Јас преговарав со Сашо. Со Сашо кога се гледавме…

ХХ: Еве, јас ако ти ветам дека ќе…м?

Заев: Нека пушти решение бе, финансовата инспекција писмено решение, дека во Општина Струмица прекинуваат сите постапки на контрола и не е пронајдено ништо.

ХХ: Добро, чекај да запишам. Значи, да се пушти решение до Општина Струмица, од која институција, од кои сектори?

На Јутјуб излезе нова аудио-снимка која наведува на заклучок дека Александар Николоски, еден од носителите на кандидатските пратенички листи на ВМРО-ДПМНЕ, вели дека треба да се заштитат градежните активности на Нефи Усеини, бизнисменот и советник на Општина Охрид од редовите на ДУИ кој изминатиот период стана познат по неговите контроверзни градби во Охрид.

Ова потпретседателот на ВМРО-ДПМНЕ го вели во разговор со Миле Јанакиески, ексминистер за транспорт и врски, ба Јутјуб каналот „Обнова на режимот“. Според разговорот, дел од договорот за избори со ВМРО-ДПМНЕ било да не му се чепкаат инвестициите на Усеини, чие семејство поседува градежна компанија.

„Шефе, има некој план за Охрид, … Гранит кај што ви се зградите, во продолжение на Гранит зградите“, му вели Јанакиески на Николоски на што овој му возвраќа: „Оооо никако тоа. Тие се на Нефи, овој бандитов, Албанецот. Згради се тие така?“. Јанакиески потврдува: „Четири згради се, да“, а Николоски додава: „Да, да, од Нефи се тие. Тоа му е дел од договорот, ова, за избирите. По 8- 9 спрата се“. Јанакиески се надоврзува: „Не, 5 плус 5 се“, а соговорникот вели: „Е така, по 6 спрата. Никако молим те“. 

ДЕНЕС 168 ЗАРАЗЕНИ ОД КОРОНАВИРУСОТ

Денес имаме повеќе заразени од коронавирусот од вчера. 

Во Македонија има нови 168 заразени, а најголем дел од нив се од Скопје. 

Информациите ги објави Министерството за здравство. 

Во последните 24 часа се направени 1.470 тестирања, а регистрирани се 168 нови случаи на ковид-19 во: Скопје-83, Куманово-8, Дебар-2, Штип-6, Прилеп-3, Тетово-26, Струга-5, Битола-2, Охрид-8, Гостивар-8, Крива Паланка-1, Крушево-1, Кочани-1, Пробиштип-2, Македонски Брод-1, Свети Николе-4, Кичево-6, Ресен-1.

Денеска Институтот за јавно здравје регистрира 70 оздравени лица од: Скопје-48, Тетово-18, Велес-1, Гостивар-1, Кочани-1, Ресен-1.

Починати се 3 лица, двајца пациенти од Скопје и еден од Гостивар.

МНОГУ ЗДРАВСТВЕНИ РАБОТНИЦИ МУ ОТКАЖАА НА ДИК

Државната изборна комисија ќе го менува списокот на посебниот избирачки одбор од 300-тини медицински лица кој требаше да го спроведе гласањето кај позитивните од Ковид-19 и кај оние кои се во самоизолација во понеделник.

Од ДИК велат дека тоа ќе се направи затоа што дури 100-тина доктори и друг медицински персонал испратиле барање до комисијата да бидат изземени од одборот, а на 80 од нив истите им биле прифатени.

- Поднеле медицинска документација дека не се во можност, или дека повеќе не се во работен однос, односно се во пензија. Некои се во странство, а некои не можат да се најдат, истакна денеска претставникот на ДИК.

Од таму велат дека медицинските лица се повикуваат во одборот по случаен избор, но дека постојано се поднесуваат барања од нив да бидат изземени.

ЧИТАЈТЕ УШТЕ

Вкупно 470 милиони евра – за толку пари купиле девизи граѓаните во домашните менувачници во земјата за првите пет месеци годинава.

Фарските острови се една од земјите во светот каде засега нема ниту еден починат од коронавирусот.

Во нашите болници има доволно лекови за пациентите болни од КОВИД-19. На заболените им се дава терапија која се применува и во другите држави, и лекувањето е според протоколите на Светската здравствена организација, уверуваат за Фактор од Министерството за здравство.

На помалку од една недела пред вонредните парламентарни избори, политичките партии во услови кога нема масовни митинзи, на големо ги трошат парите за рекламирање, а „предизборната војна“ се пресели на социјалните мрежи со секојдневна промоција на разни форми и содржини на фан-страните, со тоа што „Фејсбук“ овој пат за прв пат објавува кој колку е транспарентен и колку му плаќа.

И покрај тоа што расте трендот на се поголем број излекувани пациенти, денеска во најголемиот ковид-центар во Македонија, ГОБ „8 Септември“ се примени 16 новозаразени со Ковид-19, и тоа со многу тешка клиничка слика.

Во конфекцијата „Мода“ од Свети Николе има 12 заболени од коронавирусот, потврди за Фактор сопственикот на компанијата, Ангел Димитров.

Фатмир Битиќи е претседател на Комисијата за финансии на СДСМ, а Дарко Лазаров е претседател на Kомисијата за економија на ВМРО-ДПМНЕ.

Можеби ќе ве интересира

ШТО ГИ СПОЈУВА, А ШТО ГИ ДЕЛИ - ќе се договорат ли старите партнери

ШТО ГИ СПОЈУВА, А ШТО ГИ ДЕЛИ - ќе се договорат ли старите партнери

ДЕЦАТА СЕ ПОБЛИСКУ ДО ШКОЛСКИТЕ КЛУПИ - и Владата и родителите сметаат дека тоа е поисправно

ДЕЦАТА СЕ ПОБЛИСКУ ДО ШКОЛСКИТЕ КЛУПИ - и Владата и родителите сметаат дека тоа е поисправно

Ахмети ќе се откаже од Албанец-премиер, но под еден услов

Ахмети ќе се откаже од Албанец-премиер, но под еден услов

ФАКТОР НА ДЕНОТ: Се преговара за Влада, СДСМ и ДУИ ги договорија начелата

ФАКТОР НА ДЕНОТ: Се преговара за Влада, СДСМ и ДУИ ги договорија начелата

Аријанит Хоџа: Ќе лобирам БЕСА да оди во опозиција ако сите други албански партии влезат во владата

Аријанит Хоџа: Ќе лобирам БЕСА да оди во опозиција ако сите други албански партии влезат во владата

Договорени начелата на идната влада меѓу СДСМ и ДУИ

Договорени начелата на идната влада меѓу СДСМ и ДУИ

ВО ОБИД ДА СПАСИ ЕКИПА НА ЕВН: Велешанец исчезна во Вардар

ВО ОБИД ДА СПАСИ ЕКИПА НА ЕВН: Велешанец исчезна во Вардар

КОВИД - 19: Нови 155 заразени и двајца починати

КОВИД - 19: Нови 155 заразени и двајца починати

Обесено момче најдено кај Вардар, а се обесил и 51 годишен маж

Обесено момче најдено кај Вардар, а се обесил и 51 годишен маж