ФАКТОР НА ДЕНОТ: Koроната однесе 50 животи, денес 1.320 заразени

Добивај вести на Viber

ЦРН ДЕН ЗА МАКЕДОНИЈА

Министерството за здравство информира, согласно податоците од Институтот за јавно здравје:

Во последните 24 часа се направени 4.174 тестирања, а регистрирани се 1.320 нови случаи на КОВИД-19 во:

Скопје – 580, Битола – 113, Куманово – 75, Прилеп – 59, Велес – 50, Охрид – 43, Кавадарци - 41, Тетово – 38, Гостивар – 36, Струмица – 32, Штип – 31, Кочани – 30, Гевгелија – 27, Ресен – 24, Кичево – 22, Радовиш – 14, Струга – 13, Берово – 12, Неготино - 10, Крива Паланка и Валандово – по 9, Виница – 8, Богданци – 7, Делчево - 6, Свети Николе и Македонски Брод - по 5, Дебар, Пробиштип, Демир Капија и Демир Хисар – по 4, Крушево - 3, Кратово и Пехчево – по 1.

Регистрирани се 457 оздравен пациент од:

Скопје – 133, Прилеп – 46, Кавадарци – 35, Куманово – 34, Велес – 22, Гостивар – 20, Штип – 19, Тетово и Неготино – по 18, Битола, Гевгелија и Струмица – по 15, Кочани – 12, Кичево – 8, Свети Николе – 7, Берово – 6, Радовиш и Пробиштип – по 5, Ресен, Делчево и Виница – по 4, Валандово – 3, Крива Паланка, Демир Капија и Македонски Брод – по 2, Охрид, Кратово и Демир Хисар – по 1.

ПРОТЕСТ ЗА „МОНСТРУМ“, ИСМАИЛОВИЌ УАПСЕН ВО ПРИШТИНА

Протестот за  пресудите за „Монструм “ за прв пат се одржува пред Владата, откако минатиот пат полицискиот кордон го спречи на Бит Пазар.

Организатори на овој протест се семејствата на осудените во случајот „Монструм“, а незадоволство беше изразено и за пресудите за убијците на Никола Саздовски.

Африм Исмаиловиќ, осуден за случајот „Монструм“ вчера е уапсен во Приштина. 

Полицијата го уапсила поради учество во сообраќајна несреќа, објави денеска порталот „Газета експрес“. Неговиот адвокат Бесник Бериша изјави дека по проверката на кривичната историја на неговиот клиент, е утврдено дека за него има меѓународна потерница и притоа надлежен обвинител му одредил 48-часовен притвор. 

ЗАЕВ И МИНИСТРИ ЛЕТАА СО ХЕЛИКОПТЕР ДО ПРИЛЕП

Премиерот Зоран Заев вечерва во „Само интервју“ на Канал 5 изјави дека досега 3 или 4 пати за службени потреби користел хеликоптер на МВР. 

Вели дека не е проблем да даде одговор на ова прашање, но и дека како премиер често пати знае да патува со приватен автомобил. Заев рече дека можеби има страв од летање, но мора.  Заедно со министри денеска со хеликоптер патуваа до Прилеп и назад. За ова имаше критики од ВМРО-ДПМНЕ. 

СЕ ЗГОЛЕМИ БРОЈОТ НА ГРАЃАНИ КОИ САКААТ ДА СЕ ВАКЦИНИРААТ

Според поселдната анкета на Институтот за демократија „Социетас Цивилис“, (ИДСЦС), половина од испитаните граѓани во Македонија дале потврден одговор дека сакаат да се вакцинираат, 34% категорично изјавиле дека не би се вакцинирале, а 16% се двоумат.

ЧИТАЈТЕ УШТЕ

Измените на законот за приредување игри на среќа се објавени на Електронскиот национален регистар на прописи, според кој приредувачите ќе плаќаат поскапи лиценци, а ќе треба да ги оддалечат своите деловни простории, односно уплатно-исплатни места на 500 метри од најкраткиот пат до училиштата.

На сточарите тешко им оди да најдат овчари во земјава кои би се грижеле за нивните стада, па затоа ангажираат овчари од соседна Албанија.

Се чини дека нема подобро заштитен податок во земјава од оној за платите на вработените на Агенцијата за електронски комуникации.

Сега е пандемија, помина тешка година, специфична по многу работи, кризна. Но, кризното време е време на предизивици. Најголемиот досега го имаше и Божидар Јанковски, првиот човек на Динерс Клуб Македонија. 

foto freepik