ФАКТОР НА ДЕНОТ: Коронавирусот однесе осум животи, нови 163 заразени

Добивај вести на Viber

НОВИ 8 ЖРТВИ И 163 ЗАРАЗЕНИ

Министерството за здравство информира дека во последните 24 часа се направени 1794 тестирања, а регистрирани се 163 нови случаи на ковид-19 во: Скопје-87, Куманово-7, Дебар-2, Штип-10, Прилеп-3, Тетово-16, Струга-8, Охрид-1, Кавадарци-1, Демир Хисар- 1, Гостивар-8, Струмица-1, Кратово-1, Свети Николе-9, Кичево-3, Ресен-5.

Денеска Институтот за јавно здравје регистрира 230 оздравени лица од: Скопје-126, Куманово-31, Штип-11, Прилеп-1, Тетово-45, Велес-7, Кавадарци-1, Гостивар-1, Кочани-1, Свети Николе-2, Ресен-2, Неготино-2.

ПОВТОРНО СЕ ПОЈАВИЈА „БОМБИ“

Миле Јанакиески, поранешниот министер за транспорт и врски, и Александар Николоски, еден од носителите на кандидатските листи за пратеници на ВМРО-ДПМНЕ, според нивните гласови во нова аудио-снимка, договараат евентуална симулација на сообраќајна несреќа за да не можат да гласаат етнички Албанци на локалните избори во 2013.

Ова може да се слушне од материјалот објавен на Јутјуб каналот „Обнова на режимот“ а станува збор за постара аудио снимка од телефонски разговор. Според конверзацијата, Јанакиески му предлага на Николоски да организираат сообраќајна незгода на превојот Пресека на патниот правец Кичево – Охрид. Гласачите претходно требало со два авиони да слетаат на охридксиот аеродром.

ПОЛИТИЧАРИТЕ СО ВЕТУВАЊА ДО ГРАЃАНИТЕ

Седењето дома е бело знаме и предавање во однос на правдата, порача носителот на листата на коалицијата „Можеме“ во Изборната единица 1, Никола Димитров. 

Тој им се обраќа на разочараните граѓани, и ги повикува да 15 јули да излезат и да гласаат. 

Со личен пример, повторно, сакаме да потсетиме дека Македонија може да ги врати младите дома, иако сметаме дека вистинскиот предизвик е потоа да ги задржиме тука, вели претседателот на Граѓанско Демократската Унија (ГДУ) Петар Колев, кој и самиот е млад претприемач кој се одлучи да се врати во Македонија за да живее, откако повеќе години работел и живеел во други европски земји.

Македонски концепт на овие избори се залага за влез во Парламентот на Македонија и поддршка на Влада со силен економски тим кој примарно ќе биде насочен на економијата во земјата.

ЧИТАЈТЕ УШТЕ

Oд месецов работниците во земјава ќе треба да добиваат повисок минималец, и се очекува дека исплаќањето нема да биде проблем во текстилниот и кожарскиот сектор.

Позната скопска еснафска и богата фамилија од албанско етничко потекло е новиот сопственик на најголем дел од деловниот простор на „Технометал Вардар во стечај“.

Комисијата за хартии од вредност на вчерашната седница му даде дозвола на компанијата „Свислион“ да понуди да стане целосен сопственик на „Агроплод Ресен“ и да ги докупи сите преостанати 8.364 акции, односно 31,5 отсто од структурата, така што ќе треба да плати 1,84 милиони евра. 

Регулаторната комисија за енергетика прави премсетки за намалување на цената за пренос на природен гас.

Дали учениците ќе седнат во школските клупи од 1.септември? Ова е прашањето што уште од сега ги мачи најголемиот дел од родителите, и тоа сосема исто и оние кои имаат деца во пониските одделенија, како и оние чии деца се веќе тинејџери.

Од почетокот на корона кризата па досега, Владата примила вкупно донации од околу 4,5 милиони евра. Станува збор за пари што се добиени од организации, компании, но и од бројни поединци, кои не го откриле својот идентитет.

По подолг период, денеска во ГОБ „8 Септември“ испишале 15 пациенти кои успешно се излекувани од корона вирусот, вели директорот на оваа здравствена институција, д-р. Христијан Костов.