ФАКТОР НА ДЕНОТ: Луѓето во Скопје, Кочани и во другите градови оддадоа почит на загинатите во пожарот во „Пулс“

Добивај вести на Viber

СОБИРИ ВО ЗНАК НА ПОЧИТ ЗА ЗАГИНАТИТЕ ВО ПОЖАРОТ

Граѓани од сите возрасти излегоа вечерва на скопскиот плоштад, за да оддадат почит на загинатите во пожарот во дискотеката во Кочани. 

Граѓаните палеа свеќи, но и светеа со своите мобилни телефони. Преку транспарентите кои ги носеа искажаа револт против корупцијата која е присутна во земјава. Во Кочани во неделата загинаа 59 луѓе. 

Кочанчани бараат слобода за приведените кои спасувале млади луѓе во дискотеката „Пулс“ во Кочани, каде во неделата изби голем пожар во кој загинаа 59 луѓе. 

ПРИ КОНТРОЛИ ОТКРИЕНИ СЕ ДИСКОТЕКИ КОИ НЕ НИ ИМААТ ЛИЦЕНЦИ ИЛИ СЕ ИСТЕЧЕНИ

Портпаролката на Владата, Марија Митева попладнево на прес-конференција изјави дека извршени се контроли во објекти кои имаат лиценца за кабаре, дискотека во државата. 

Приложени се 22 лиценци на цела територија и 15 се со истечена важност. Откриени се и објекти кои воопшто немале лиценци. 

„Во Скопје 13 објекти, од кои само 2 се со лиценца со важност за кабаре и 8 со истечена, а три објекти немаат никаква лиценца. Во Куманово имаме три објекти со дејност кабаре, сите се со важечки лиценци“, рече Митева. 

Во Штип, Виница и Делчево по еден објект е регистриран како кабаре и сите поседуваат важечки лиценци.

ПОВЕЌЕ ЗЕМЈИ ПОМАГААТ ВО ЛЕКУВАЊЕ НА ПОВРЕДЕНИТЕ

Двајца повредени во пожарот во Кочани попладнево се пренесени во Полска на лекување, информираше Делегацијата на ЕУ во земјава на својата Фејсбук страница.

„Амбасадата на Полска овозможи транспорт со воздушна амбуланта на двајца повредени во трагичниот пожар во Кочани. Пациентите ќе ја добијат потребната нега во Полскиот источен центар за третман на изгореници и реконструктивна хирургија“, се наведува во објавата.

Чешкиот амбасадор во земјава Јарослав Лудва на социјалната мрежа Х објави дека вчера пречекал медицински тим од Чешка да помогне на македонските лекари во лекување на повредените во пожарот во Кочани. Повеќе од 70 пациенти се префрлени на лекување во странство. 

ЧИТАЈТЕ УШТЕ

Македонија останува единствената земја во регионот без специјализиран Центар за изгореници, сурова реалност што повторно излезе на површина по трагедијата во Кочани, каде што во пожар во импровизираната дискотека „Пулс“ животот им беше загрозен на повеќе од 150 млади луѓе. 

И работењето да биде да биде домаќинско, и акционерите да бидат задоволни. Раководството на „Реплек“ донесе одлука како ќе го распределува профитот остварен лани, но и нераспределената добивка која на компанијата и останала од минатите години.

Агенцијата за промоција и поддршка на туризмот наскоро ќе има нов директор или директорка. Дали сегашната в.д. директорака ќе остане на истата позиција, или ќе биде назначен нов шеф на оваа институција ќе видиме наскоро. 

фото Вангел Тануровски