ФАКТОР НА ДЕНОТ: Инспектори давале информации за контроли – обвинителството даде детали за новата акција поврзана со „Пулс“

Добивај вести на Viber

ОЈО ЌЕ ГОНИ УШТЕ 11 ЛИЦА

Вкупно 11 лица се во постапка за поткуп и злоупотреби поврзани со даночното работење на кочанскиот клуб „Пулс”. 

Основното јавно обвинителство Кочани поведе постапка против вкупно 11 лица за коруптивни кривични дела поврзани со работата на клубот “Пулс”.

ЌЕ ИМА ОТВОРЕНИ ЛИНИИ ЗА ПРИЈАВУВАЊЕ КОРУПЦИЈА

Ќе има отворени линии на кои граѓаните ќе може со загарантирана дискреција да пријавуваат корупција. Ова го најави премиерот Христијан Мицкоски, како проект на Владата и Министерството за внатрешни работи.

„Работиме на МВР за отворени линиии и гарантирана дискреција за да можеме да направиме чекор понапред, да секој кој пријавил, успешно да се заврши акцијата, за да нема случаи, почнувајќи од оној врховен судија, па до последниот случај со директорот во платежната агенција. Имаме огромен број луѓе кои чесно си ја вршат работата, но имаме малкумина кои го конатаминираат тоа, заедно со мешетари околу здравството кои децении го цицаат здравството“, посочи Мицкоски.

ЗА СЕЛА НЕМА МЕСТО ВО ВЛАДАТА

Владејачкото мнозинство нема намера да го вклучи Зијадин Села во своите редови. Ова го потврди премиерот Христијан Мицкоски, кој вели дека во моментов немa планови за влез на крилото на Села од Алијансата за Албанците, наведувајќи дека владејачката коалиција располага со „историски стабилно, дури и двотретинско мнозинство“.

Ова прашање доаѓа откако крилото на Села ја напушти коалицијата „Национална алијанса за интеграција“ и објави дека ќе неговите четворица пратеници ќе дејствуваат како посебна пратеничка група, но опозициски.

ССМ ЈА ОБЈАВИ ВРЕДНОСТА НА МИНИМАЛНАТА КОШНИЧКА ЗА НОЕМВРИ

Просечно семејство во ноември трошело над 65.000 денари за основни трошоци. 

Едно четиричлено семејство во Македонија во ноември морало да одвои 65.173 денари само за минимални месечни трошоци за егзистенција, покажуваат најновите податоци од синдикалната минимална кошница на Сојузот на синдикати на Македонија (ССМ). Сумата е пониска за 371 денар во однос на октомври, кога за истите трошоци биле потребни 65.544 денари.

ЧИТАЈТЕ УШТЕ

Агенцијата за електронски комуникации во предлог-финансискиот план за следната година за прв пат воведе неколку нови ставки кои најавуваат нови трошоци, засега со ориентациски суми,за работењето на антенскиот систем на Водно.

Над 647 илјади евра исплатена за дежурства без согласност од Министерството за здравство.  Скоро 50 илјади евра за немедицински кадар за дежурства спротивно на Законот за здравствена заштита, а повеќе од 28 илјади евра за прекувремена работа за 101 лице, исто така без одобрување.

Управниот одбор на НЛБ Банка наскоро со нов член. Согласно инфомрациите кои компанијата ги објави на Македонска берза, од почетокот на следната година во УО нов член ќе биде Кирил Бухов. 

Македонија има висок процент на жени домаќинки, лица кои не биле и не се активни на пазарот на трудот. 

Градоначалникот на Град Скопје, Орце Ѓорѓиевски распиша тендер за авторска агенција преку која привремено ќе бидат вработувани лица за потребите на Градот.