ФАКТОР НА ДЕНОТ: Направен е списокот на граѓани кои ќе бидат повикани на вакцинација, денес 175 заразени со корона

Добивај вести на Viber

НАПРАВЕН Е СПИСОК ОД 14.000 ГРАЃАНИ ЗА ВАКЦИНАЦИЈА

Прецизирано е кои категории граѓани први ќе ја примат вакцината против коронавирус. 

Готови се списоците на здравствени работници и на хронично болни кои први ќе бидат вакцинирани, соопшти министерот за здравство, Венко Филипче. 

Последната препорака е да се вакцинираат и луѓето кои биле заболени без разлика дали имаат или немаат антитела. 

„И покрај вакцината, мора да се почитуваат мерките за заштита. Направен е список од 14.000 граѓани кои ќе бидат повикувани преку матичните лекари, преку системот „Мој термин”, вели Филипче. 

НОВИ 175 ЗАРАЗЕНИ СО КОРОНАВИРУСОТ

Министерството за здравство информира, согласно податоците од Институтот за јавно здравје во последните 24 часа се направени 1.733 тестирања, а регистрирани се 175 нови случаи на ковид-19 во:

Скопје – 90, Кавадарци – 15,  Тетово – 11,  Куманово – 7, Охрид – 6,  Кратово – 6, Дебар – 5, Гостивар – 4, Прилеп – 4, Струмица - 4, Ресен – 4, Велес – 3, Струга - 3, Битола - 2, Гевгелија – 2, Виница – 2, Штип – 1, Берово – 1, Кичево - 1, Неготино - 1, Делчево – 1,  Крушево – 1, Свети Николе – 1. 

Регистрирани се 365 оздравени пациенти од:

Скопје – 288, Велес – 10, Прилеп - 7, Куманово – 7, Гостивар – 7, Штип - 7, Кочани – 4, Гевгелија – 3, Крива Паланка – 3, Виница – 3, Кратово – 3, Кичево - 3, Тетово – 2, Дебар - 2, Берово – 2, Богданци – 2, Пехчево – 2, Охрид - 1, Битола – 1, Кавадарци – 1, Ресен - 1, Радовиш - 1, Пробиштип - 1, Крушево – 1, Демир Хисар - 1, Македонски Брод – 1, Неготино – 1.

ПРАТЕНИК НУДИ ПРЕВОЗ ЗА ГРАЃАНИ ДО СКОПЈЕ

Пратеникот oд СДСМ, Мартин Костовски кој живее во Куманово, а до своето работно место во Собранието во Скопје патува со  автомобил упати несекојдневен повик до своите сограѓани.

Оние  кои патуваат во Скопје, а особено (пациенти, студенти и генерално секој кој патува до главниот град) можат секојдневно тоа да го сторат така што ќе патуваат заедно со него. Неговата идеја е бидејќи граѓаните се тие кои учествуваат во покривањето на патните трошоци на пратениците(преку плаќање на даноци)  да бидат и корисници на овој превоз.

ЗЕМЈОТРЕС БЛИЗУ КИЧЕВО

Во рок од 5 дена имаше дваесетина потреси во Македонија. Се тресеше западиот дел на земјата. 

Од 27 јануари во мавровскиот регион eвидентирани се повеќе земјотреси од кои најсилниот беше од 3,6 степени. Епицентрите на сите земјотреси беа близу езерото, со длабочина од еден до два километри.

Денеска се стресе градот Кичево. Првично беше објавено дека земјотресот е со јачина од 3 степени, а потоа беше коригирано дека бил со јачина од 2.7 степени. 

Дали се плашите од темнината? Оваа телевизиска серија некогаш требаше да ги едуцира македонските деца со поучни но, страшни приказни распламтувајќи ја нивната фантазија без експлицитноста на хорор жанрот. Денес, толку сме длабоко заглавени во темнината што повеќе се плашиме да не огрее светлината. Да ја разобличи лагата на политичарите, да фрли светло на манипулациите и да ни блесне силно во очите, па ако сме доволно храбри да ги погледнеме работите онакви какви што се.

foto freepik