ФАКТОР НА ДЕНОТ: Нема прогласување на вонредна состојба, се чекаат резултати за 7 сомнителни

Добивај вести на Viber

ВО МАКЕДОНИЈА ЗАСЕГА НЕМА ПРОГЛАСУВАЊЕ ВОНРЕДНА СОСТОЈБА

Претседателот Стево Пендаровски вечерва по Советот за безбедност изјави дека заклучокот за Дебар и Центар Жупа е дека има одлична соработка меѓу институциите. 

Вели дека поставеноста на државата во овој момент е соодветна. 

За заразените наведе дека  епод потребен здравствен мониторинг. 

Ако има потреба, може да се препорача прогласување кризна состојба и во други општини. 

Вели дека не треба да се избрзува со прогласување на кризна состојба. 

Додаде дека дури и без вонредна состојба, може да се ограничи движењето на граѓаните од една во друга оппштина. 

„Прва, основна причина е дека нема потреба и второ јасно е секаде во светот за жал, кризата ќе трае. Кризата не е тука за недела, или две“, изјави претседателот. 

СЕ ЧЕКААТ РЕЗУЛТАТИ ЗА СОМНИТЕЛНИ СЛУЧАИ

Нема нови дијагностицирани од коронавирус a  во овој момент се тестираат седуммина пациенти со симптоми на грип.

Првата пациентка е испуштена на домашно лекување, а сите кои биле во контакт со неа се здрави покажале тестовите, соопшти министерот Венко Филипче на прес конференцијата.

Непроменета е состојбата на сите други 18 пациенти , од кои 13 се на инфективната клиника, а пациентката која е на респираторната машина е стабилна.

Добра е состојбата на пациентите во Дебар, со добра клиничка слика се сите тие и се на домашно лекување.

Во овој момент се тестираат седуммина пациенти тројца се од Дебар и тие имаат симптоми на грип, двајца пациенти во Штип и двајца кои се на Инфективна, тие четворица се со анамнеза дека патувале во Австрија и Германија во изминатиов период, кажа министерот.

Христијан Мицкоски, лидерот на ВМРО-ДПМНЕ, денеска побара одложување на предвремените парламентарни избори и свикување на лидерска средба. Претседателот на СДСМ, Зоран Заев, истовремено рече дека за ваква одлука треба да се почека, бидејќи кризата може да заврши до 12 април.

- За тоа треба да се донесе заедничка одлука. Тоа ќе разгледаме заедно, бидејќи треба да се процени и каква ќе биде штетата ако се одложат изборите а во меѓувреме кризата заврши. Кога ќе се стабилизира состојбата, тогаш би можеле да се одржат изборите. Треба да се види и какви би биле економските штети доколку се одложат изборите. Како и да е, заедно да го дефинираме ставот за потребата од одложување на изборите, а потоа и заедно да одлучиме за новиот датум, рече Заев.

Мицкоски смета дека изборите според актуелниот важечки датум - 12 април би се одржале во пикот на кризата со корона вирусот.

ГЕРМАНИЈА ЗАТВОРА СЕ, A ВО САД СЕ ТЕСТИРА ВАКЦИНА

Во Германија ќе работат само маркети, пазари, банки и аптеки. 

Се затвораат кафулиња, клубови, театри, музеи, и цркви за да го забават ширењето на коронавирусот. 

Рестораните и другите објекти за јадење ќе бидат отворени помеѓу 6 и 18 часот.

Првите тестови за испитување на потенцијалната вакцина за спречување на КОВИД-19 започнаа денеска, потврдија здравствените власти на САД.

Да се ​​најде „безбедна и ефикасна вакцина“ за да се спречи инфекцијата од новиот коронавирус „е итен приоритет на јавното здравство“, рече д-р Ентони Фаучи, директор на Националниот институт за алергија и заразни болести. 

ЧИТАЈТЕ УШТЕ

Во тек е изготвување на е-платформата во Општина карпош во сите 10 училишта со наставници кои предаваат во 9 оддление, а се работи во согласност со насоки од Бирото за развој кое изготвува скратен наставен план програма, како и во коодринација со Министерството за образование.

Градежните компании не ја стопираа својата работа, а такво нешто засега не е ни побарано од властите во форма на препорака или одлука.

На секој чекор можат да се забележат градилишта кои функционираат под полна пареа.

Службата за општи и заеднички работи на Владата на РСМ не го користела ГПС-системот за зледење на користењето на владините возила, а нереализираната препорака која ја нотира државниот ревизор во својот најнов извештај.

На вонредна седница која денеска се одржала електронски Народнат абанка ја намали основната каматна стапка за 0,25 процентни поени односно на нивото од 1,75 проценти. Од централната банка соопштуваат дека ова е второ намалување на каматната стапка оваа година, по намалувањето во јануари.