ФАКТОР НА ДЕНОТ: Охрид го задржува статусот на УНЕСКО, oва е последен аларм
Објавено во: Македонија 25 Јули, 2021
ОХРИД ГО ЗАДРЖА СТАТУСОТ НА УНЕСКО
Министерот за животна средина и просторно планирање Насер Нуредини во своето обраќање на сесијата на Комитетот на УНЕСКО изјави дека му е драго што Охридското Езеро и регионот ќе имаат можност да го задржат својот статус.
Тој вели дека сега е време да се спречи во иднина да не дојде до една ваква ситуација.
„Ќе имаме време за да ја комплетираме заштитата на ова неверојатно природно и културно светско наследство, но ова значи дополнителна одговорност“, истакна Нуредини.
Министерот Нуредини ги повика сите чинители, приватниот сектор, локалната самоуправа, сите граѓански организации, да соработуваат и да го дадат својот придонес кон заштитата на езерото и целиот регион.НОВИ 24 ЗАРАЗЕНИ СО КОРОНАВИРУСОТ
Министерството за здравство информира, согласно податоците од Институтот за јавно здравје:
Регистрирани се 24 нови случаи на Ковид 19 – вкупната бројка на дијагностицирани е 156.078
Оздравени се 6 пациенти – нема пријавено починати лица.
Министерството за здравство информира, согласно податоците од Институтот за јавно здравје:
• Во последните 24 часа се направени 4.133 тестирања, а регистрирани се 24 нови случаи на КОВИД-19:
• Скопје – 6, Тетово – 5, Куманово – 3, Прилеп и Кичево – по 2, Битола, Охрид, Струмица, Кочани, Радовиш и Дебар – по 1.МНР ЌЕ КОРИСТИ ТРОТИНЕТИ И ВЕЛОСИПЕДИ
Зелената дипломатија е новото нормално, напиша на Фејсбук, шефот на македонската дипломатија, Бујар Османи.
„Обезбедивме тротинети и велосипеди кои ќе ги користат вработените на министерството, со што ќе се спречи загадувањето на воздухот“, напиша Османи.
Османи, денеска на обезбедувањето на велосипеди и електрични тротинети за вработените на МНР, ги проба овие превозни средства.КОСОВСКИ АВТОБУС СЕ ПРЕВРТЕ ВО ХРВАТСКА
Приведен e возачот на автобусот oд Косово кој се преврте кај Славонски Брод во Хрватска, бидејќи признал дека задремал на воланот.
Обвинителството констатира дека автобусот од Приштина кој патувал од Франкфурт за Приштина, излетал на тревнатата банкина на јужната страна од коловозот.