ФАКТОР НА ДЕНОТ: Партиите ветуваат повисоки плати и пензии, но имаме и нови 176 заразени

Добивај вести на Viber

ПАРТИИТЕ ТРГНАА ВО „ЛОВ“ НА ГЛАСОВИ

СДСМ ветува повисоки плати, доколку добие шанса за нов мандат. 

Минималната плата до 2024 година, односно до завршување на новиот мандат на СДСМ, ќе изнесува 20.000 денари, а просечната ќе достигне 34.000 денари, најави лидерот на владеачката партија Зоран Заев во денешното обраќање од Штип.

Потпретседателот и носител на изборна единица 4, Александар Николоски од посета во општина Прилеп изјави дека во нивната програма „Обнова на Македонија“ сериозно ќе се посветат на зачувување на македонското национално достоинство, понатаму силен економски развој во Македонија дури и во вакви услови на корона криза, со зголемување на просечните плати за 25 проценти, пензиите во просек за 20 проценти, а најниските пензии и многу повеќе од тоа. 

Петар Богојески денеска во Охрид го реафирмираше минатогодишниот проект од Македонски концепт за изградба на автопат Велес - Прилеп - Битола – Охрид.

Насер Зибери, кандидат за премиер на ДУИ вели дека ќе се залага за решавање на нееднаквоста во приватниот сектор. 

„Во многу домашни компани припадниците на помалите заедници уште нема можност да се вработат, односно во голем број претпријатија уште постои нееднаквост и дискриманиција“, рече  Зибери. 

НОВИ 176 ЗАРАЗЕНИ И 9 ПОЧИНАТИ ОД КОРОНАВИРУС

Во последните 24 часа регистрирани се 176 нови случаи на заболени од Ковид-19. Резултатот е добиен по изработени 870 тестa, објави на Фејсбук, министерот за здравство, Венко Филипче.

Распоредени по градови:

Скопје – 61
Тетово – 22
Струга – 19
Штип – 14
Охрид – 14
Куманово – 8
Гостивар – 7
Кичево – 6
Прилеп – 5
Велес – 5
Ресен – 5
Битола – 3
Кочани – 2
Струмица – 1
Демир Хисар – 1
Дебар – 1
Пехчево – 1
Пробиштип – 1

УТВРДЕНИ ПРОТОКОЛИТЕ ЗА ГЛАСАЊЕ

Утврдено е како ќе се гласа на изборите на 15 јули. 

Државната изборна комисија денеска ги утврди задолжителните препораки за заштита од Ковид-19, за денот на гласањето за претстојните парламентарни избори.

На 15 јули нема да може да се гласа без заштитна маска. Секој гласач е должен да држи растојание од 1,5 до 2 метра пред објектот и влезот на самото гласачко место. Пред влегување и на излегување од гласањето, граѓаните ќе мора да ги дезинфицираат рацете.

Гласачите не треба да носат заштитни ракавици. Тоа е задолжително за членовите на избирачките одбори.

ЧИТАЈТЕ УШТЕ

Некогаш политичките пропаганди спотови беа свежи и авангардни. Се сеќавате на девојката која помина една вечер со дечкото во портокаловата маица. Или пак на провокативната кампања "Се палам на Стефчо". Овој пат, грото од партиските спотови се досадни и веќе видени, неинспиративни. 

Но, кој очекуваше дека ВМРО-ДПМНЕ во услови кога лесно може да поентира со енергични пораки кои ќе повикаат на промени да си даде аматерски автогол.

Во петок, првиот ден откако властите дозволија целосно отворање на границите, без обврска за корона тест и задолжителен карантин, најмногу патници поминале на граничниот премин со соседна Србија, Табановце и на Блаце кон Косово.