ФАКТОР НА ДЕНОТ: Пендаровски упати критика до надлежните, бара целосна имунизација без прекини

Добивај вести на Viber

ПЕНДАРОВСКИ И ФИЛИПЧЕ РАЗМЕНИЈА ОСТРИ  ЗБОРОВИ ЗА ВАКЦИНАЦИЈАТА ВО СРБИЈА

Претседателот на државата Стево Пендаровски по седницата на советот за безбедност изјави дека прекини во процесот на вакцинација не смее да има до целосна имунизација. 

Министерот за здравство, Венко Филипче му ветил дека досега ниту еден болен не бил и нема да биде оставен без да му се пружи помош. 

„Тоа што се случуваше во Србија, тие слики, тоа е срам“, рече Пендаровски и се заблагодари на северниот сосед. 

Mинистерот за здравство, Венко Филипче попладнево реагира на изјавата на шефот на државата Стево Пендаровски кој рече дека сликите од граѓани кои одат на вакцинација во Србија се срам за нас. 

Откако министерот за здравство, Венко Филипче реагираше дека е изненаден од изјавата на шефот на државата, Стево Пендаровски кој рече дека сликите од Србија каде се вакцинираа македонските граѓани се срам, следи објаснување од кабинетот на Пендаровски. 

„Претседателот Стево Пендаровски во целост се согласува со изјавата на министерот за здравство, Венко Филипче дека сликите од Србија изминатиот викенд се израз на солидарност, но, тоа е солидарност која државата Србија ја покажа кон десетина илјади наши граѓани. Меѓутоа, тешко дека тие слики на наши граѓани кои бараат здравствена заштита во странство, откако не ја добија во сопствената земја, се за фалење. Во однос на процесот на набавка на вакцини, претседателот Пендаровски е крајно зачуден што министерот Филипче свесно не го споменува фактот дека првичните контакти со најголемите фармацевтски компании, кон крајот на декември минатата година се направени преку Кабинетот на претседателот и од тогаш до денес претседателот Пендаровски е активно вклучен преку дипломатските канали во процесот за набавка на вакцините, што инаку е примарна надлежност токму на министерот за здравство“, наведуваат оттаму. 

ЗА 24 ЧАСА ИМА НАД 1.200 ЗАРАЗЕНИ СО КОРОНАВИРУСОТ

Министерството за здравство информира, согласно податоците од Институтот за јавно здравје:

Во последните 24 часа се направени 3.948 тестирања, а регистрирани се 1.272 нови случаи на КОВИД-19 во:

Скопје – 619, Битола – 75, Прилеп – 65, Куманово – 61, Тетово – 50, Кавадарци – 40, Велес - 39, Охрид – 34, Штип – 32, Струмица и Струга – по 23, Кочани – 22, Кичево и Берово – по 21, Гостивар – 19, Неготино – 18, Крива Паланка – 17, Гевгелија – 15, Валандово – 11, Ресен – 10, Радовиш – 9, Свети Николе, Пробиштип и Виница – по 8, Делчево – 5, Демир Капија, Кратово и Пехчево – по 4, Богданци, Демир Хисар и Македонска Каменица – по 2, Крушево - 1.

Регистрирани се 868 оздравени пациенти од:

Скопје – 421, Охрид – 55, Куманово – 50, Прилеп – 46, Велес – 35, Кавадарци – 27, Неготино и Гевгелија – по 25, Штип и Струмица – по 20, Битола – 19, Гостивар – 17, Тетово и Струга – по 16, Кичево – 14, Кочани и Радовиш – по 12, Берово – 7, Кратово – 5, Крива Паланка и Крушево – по 4, Ресен и Пробиштип – по 3, Валандово, Свети Николе, Виница, Делчево и Богданци – по 2, Демир Капија и Македонска Каменица – по 1.

САЛАТА „БОРИС ТРАЈКОВСКИ“ ПОДГОТВЕНА ЗА ВАКЦИНАЦИЈА

Во салата „Борис Трајковски“ во Скопје, утре почнува масовната имунизација на населението. Вакцини ќе примаат луѓе на возраст над 75 години, хронично болните, а од понеделник на војската и армијата. За таа цел салата „Борис Трајковски“ се претпора во центар за вакцинација. Вакцините АстраЗенека стигнаа преку Ковакс системот. 

БУГАРСКОТО МНР СЕ ОГРАДИ ОД СПОТОТ НА ЏАМБАСКИ

Бугарското Министерството за надворешни работи се огради и го оцени како нессодветно видеото на бугарскиот европратеник, Ангел Џамбаски, откако вчера македонското МНР упати протестна нота.

Велат дека пораките на видеото не го изразуваат официјалниот став на бугарската Влада. Додаваат дека Бугарија нема територијални претензии кон други земји. 

НЕМА НОВИ РЕСТРИКТИВНИ МЕРКИ 

Министерот за здравство, Венко Филипче, на утринската координација со директорите на ковид центрите и претседателот на Комисијата за зразни болести разговарале за епидемиолошката состојба во државата, болничките капацитети, состојбата на болните, информираат од Министерството .

ВАКЦИНАТА НЕ Е ПРИЧИНАТА ПОРАДИ КОЈА ЃОРЧЕВ ПАДНАЛ ВО КОМА

Состојбата на 73-годишниот маж од Северна Македонија, на кој му се слоши во салата „Чаир“ во Ниш викендот е непроменета и тој се уште е во кома. Тоа го изјави директорот на Универзитетскиот клинички центар, Зоран Перишиќ за БЕТА.

„Анализите покажаа дека неговата состојба не е последица на примената вакцина“, изјави Перишиќ.

ЧИТАЈТЕ УШТЕ

По врнежите од снег и дожд кои ги имавме во изминатиот период, водостојот на Преспанското езеро се подобрува. Ова го потврдуваат од Општина Ресен.

Дали постигнатиот договор по лидерската средба е одржлив на долг рок, од една страна е договорено одложување на пописот, а од друга Заев потенцираше дека методологијата останува иста.

Бројчаникот, долгонајавуван од оваа власт уште на претходните избори, иако не почна да врти на зградата на Триумфалната порта како што беше првично најавен и симболично замислен, сепак, излегува дека долги години наназад во реалноста „врти“, далеку од очите на јавноста и без голема помпезност.

Акционерите ќе гласаат за предлог одлука со која „Уготур“ би складирал во сопствен откуп акции до цена која е 5 пати повисока од последната пазарна цена и три пати повисока од книговодствената вредност на акцијата

Изгласана е одлуката за поделба на дивиденда - акционерите на Комерцијална банка на годишното собрание кое се одржа вчера сепак усвоија одлука да се дели добивката како дивиденда, а изгласан е и дивиденден календар. 

Се очекува утре да почне масовната вакцинација на граѓаните над 75 години со вакцините кои викендов пристигнаа во Скопје од британско-шведскиот производител. Според извори на Фактор, дел од 24.000 вакцини на АстраЗенека веќе се дистибуирани во неколку вакцинални пунктови на Здравствен Дом-Скопје, а тоа е направено според бројот на пријавени лица. Предвид се земаат само оние над 75 години.