ФАКТОР НА ДЕНОТ: Почна кампањата за парламентарните избори, ветувања за подобар живот за граѓаните

Добивај вести на Viber

ПОЧНА КАМПАЊАТА ЗА ПАРЛАМЕНТАРНИТЕ ИЗБОРИ

Македонија повторно твоја, со оваа парола ВМРО-ДПМНЕ ќе ја бара довербата од граѓаните. Лидерот на партијата Христијан Мицкоски од Охрид вети дека следната Влада, која ќе ја формира неговата партија ќе ги исполни сите ветени проекти, но и дополнителни кои не се запишани во програмата.

Со паролата „Нема откажување од иднината“ кампањата ја започна и СДСМ. Димитар Ковачевски од Музејот на современата уметност во Скопје пред партиските функционери, ги повтори ветувањата дадени повеќе пати, како повисоки плати, пензии и членство на Македонија во ЕУ до 2030-та.  Лидерот на ДУИ, Али Ахмети од Скопје вети промена на Уставот, а покрај внесување на Бугарите, најави и избор на претседател на државата во Собранието. Од плоштадот Скендербег во кампања влезе и здружената албанска опозиција „Вреди“. Тие ветуваат економски мерки за граѓаните на Македонија и испраќање на ДУИ во опозиција. Левица ќе започне вечерва со митинг во Велес.

KOВАЧЕВСКИ ЈА ИСКОМЕНТИРА ИЗЈАВАТА НА ОСМАНИ ЗА ОТВОРЕН БАЛКАН

За најавата на техничкиот министер за надворешни работи Бујар Османи за преиспитување на учеството на Македонија во иницијативата Отворен Балкан, лидерот на СДСМ, Димитар Ковачевски вели дека Отворен Балкан е оригинална иницијатива што потекнува од регионот формирана од три држави – Македонија, Албанија и Србија и која што е заснована на четирите слободи на Европската унија(ЕУ). 

Вели дека таа во својата суштина, во својот фундамент ги има постулатите на функционирањето на Европската Унија, а тоа е слободното движење на луѓе, слободно движење на капитал, на производи и слободно движење на услуги. Додаде дека кога ќе ги погледнете иницијативите коишто беа направени во рамки на Отворен Балкан, тие се токму тоа.

ДОЖИВОТЕН ЗАТВОР ЗА ЧОВЕКОТ КОЈ СО 40 УБОДИ ОД НОЖ УБИ ЖЕНА ВО КОЧАНИ

Основниот суд во Кочани го осуди доживотно Усеин Рашидов кој со 40 убоди со нож лани во септември ја уби самохраната мајка на три деца во Кочани, Танкица Младеновска. Убиецот ја признал вината и осуден е за „Убиство извршено при родово базирано насилство и на свиреп начин“.

ЧИТАЈТЕ УШТЕ

БИМ Свети Николе е успешна компанија која води грижа за своите акционери, од кои најголем дел се сограѓани. Компанијата има континуирана дивиденда политика и дели дивиденда неколку години наназад. Веројатно затоа е и тешко да се дојде до таа акција, која многу ретко се тргува на Официјалниот пазар на Македонската берза за хартии од вредност

Добивката лани не само што беше добра, туку беше и најдобра во сите изминати години, но акционерите на најголемата лебна компанија во земјава нема да земат дивиденда.

Македонија оваа година според ММФ треба да ја заврши со раст на економија од 2,7 проценти, додека следната година со 3,7 отсто, а во 2026 - 3,5 проценти. Бројките говорат дека нашата земја има меѓу најниските прогнозирани стапки за раст на економијата. Понизок проектиран раст од соседите има само Грција, која не е меѓу земјите во развој, туку веќе развиена земја, каде стапките на раст очекувано се помали со оглед на достигнатото економско ниво.