ФАКТОР НА ДЕНОТ: Почна вакцинацијата во Македонија, Бугарија најавува дека сепак ќе одвои вакцини за нас

Министерството за здравство информира, согласно податоците од Институтот за јавно здравје во последните 24 часа се направени 2.383 тестирања, а регистрирани се 347 нов случаj на ковид-19 во:

Скопје – 157, Прилеп – 35, Кавадарци – 26, Охрид -19, Куманово – 14, Штип и Неготино – по 13, Тетово – 12, Гевгелија – 10, Велес и Крушево – по 6, Битола, Гостивар и Делчево – по 5, Струга, Дебар, Крива Паланка и Виница – по 3, Ресен, Валандово, и Кратово – по 2, Струмица, Кочани и Македонска Каменица – по 1.

Регистрирани се 168 оздравени пациенти од:

Скопје – 110,  Куманово и Прилеп – по 7, Кавадарци – 6, Тетово и Крива Паланка – по 5, Гостивар, Велес и Неготино – по 4, Битола и Гевгелија – по 3, Штип и Радовиш – по 2, Охрид, Струмица, Свети Николе, Кратово, Демир Капија и Дојран – по 1.

БУГАРИЈА СЕПАК ЌЕ ДОНИРА ВАКЦИНИ

Бугарија наскоро ќе донира вакцини за Македонија. 

Штом ќе имаат доволно количества од ЕУ, тие ќе донираат,  тврди министерката за надворешни работи на Бугарија Екатерина Захариева. Таа за телевизијата БТВ изјави дека доцнењето се должело и на механизмот Ковакс, каде Бугарија е учесник. 

ПЕНДАРОВСКИ НЕ СЕ СЛОЖУВА ЕТНИЧКАТА ПРИПАДНОСТ ДА СТОИ ВО ЛИЧНИТЕ КАРТИ

Лично не се согласувам етничката припадност да биде во личните карти. Не постои демократска држава во светот во која постои етничка или религиозна припадност, вели претседателот Стево Пендаровски во интервју за МКД.мк.

ПРОМЕНА НА ИМИЊА НА УЛИЦИ ВО СКОПЈЕ

Петре Шилегов, градоначалникот на Скопје, ги објави петте улици на кои се враќаат старите имиња.

Една од нив е и „Јордан Мијалков“, која повторно ќе се вика „Железничка“. Се враќа и името на „Ленинова“, наместо „Аминта Трети“.

ЧИТАЈТЕ УШТЕ

Меѓу невработените луѓе во земјава има правници, економисти, професори. Матурантите од гимназија се најбројни од невработените со завршено средно образование, велат од Агенцијата за вработување, а на пазарот на труд, според објавните огласи од работодавачите се бараат работници од различни профили.

Временскиот интервал помеѓу примената на две дози вакцини e главна тема за научниците, регулаторните тела и владите. Велика Британија, како водечка земја во светот по досега аплицирани вакцини, неодамна објави дека вакцината против Ковид-19, произведена од АстраЗенека и Универзитетот во Оксфорд, е поефикасна со подолг временски интервал помеѓу двете дози отколку што првично беше планирано.

Германскиот трговски синџир „Лидл“ ја регистрираше својата компанија во Македонија, а ќе биде управувана од бугарската филијала. Една од најголемите компании во малопродажбата во светот во петокот ја регистрираше подружницата Лидл Северна Македонија Дооел со седиште во скопски Центар и со паричен влог од 500.000 евра, објави вчера Централен регистар.

Во време кога премиерот Зоран Заев ги објави новите мерки од петтиот пакет за помош на економијата, станува јасно дека една од клучните ќе биде бришење на каматите на долговите што граѓаните ги имаат кон јавните претпријатија. Со оваа мерка не се опфатени каматите на долговите кон приватните компании кои даваат јавни услуги. Сепак, премиерот Зоран Заев ги повика и нив, доколку се во можност, да се приклучат кон оваа акција.

Официјално почна имунизацијата против Ковид-19 во македонија. Ова се докторката Добринка Науновска Јовановска и главната сестра Габриела Темелковска, дел од персоналот на Клиниката за инфективни болести коишто измината година неуморно се бореа за секој човечки живот, деноноќно работеа.

Вицепремиерот Љупчо Николовски вели дека Државната комисија за спречување на корупцијата добила три ката од најдопбрите простории со кои располага државата.